11 fevral, cumaaqşamı künü Moskva şeeriniñ mahkemesi siyasiy mabüsi İvan Yatskinge apis müddetini uzattı. Onı casuslıq şekilinde devletke hiyanet etüvde qabaatlaylar. O SİZOda 2021 senesi 16 aprelgece qalacaqtır. Şu aqta onıñ abulqatı Nikolay Polozov öz Facebook saifesinde haber ete.
Qırımtatar Maaliy Merkezi idaresiniñ yolbaşçısı, Qırımtatar Milliy Meclisiniñ uquqiy meseleleri ve tış işleri idaresiniñ başlığı Eskender Bariyev ATR telekanalına bergen intervyüsinde Ukrainanıñ reintegratsiya Nazirliginiñ yolbaşçısı Aleksey Reznikovniñ, rusiyeliler yarımadada deokkupatsiyadan soñ qalmaq mümkünler degen beyanatını tefsir etti. Bariyev qayd etti ki, Ukraina böyle areketler kösterip özü de, Rusiye kibi, cinayetlik yapacaq, şunıñ içün Qırımğa qanunsız köçip kelgenlerniñ episi yarımadanı terk etmege borclular.
Büyük Britaniyanıñ Ukrainadaki elçisi Melinda Simmons Yalta ''Hizb ut-Tahrir davası'' boyunca yaqalanuvlarınıñ yıldönüminde rusiyeni episi ukrain siyasiy mabüslarını azat etmege çagırdı. Bu aqta o öz Twitter saifesinde haber etti.
Fevralniñ 11-de, cuma aqşamı künü Avropa parlamenti Ukrainanıñ assotsiatsiya hususında muqaveleniñ eda etilüvi aqqında qararını qabul etti. Vesiqağa dair, Avropa parlamenti işğal etilgen Qırımda yüz bergen daimiy ve büyük masştablı insan aqlarınıñ ve temelli ürriyetleriniñ bozuluvını takbih etti , bunen birge AB-niñ memleketlerini «Qırım platformasınıñ » meydanğa ketirilmesine qol tutmağa çağırdı. Bu aqta müessiseniñ matbuat hızmeti haber ete.
"Ukrainskoe radiosınıñ" Birinci kanalı 2021 senesini fevralinden başlap işğal etilgen Qırımda ortadalğalı diapazonda öz eşittirüvlerini yañıdan başladı.Bunıñ aqqında Ukrainanıñ medeniyet ve İnformatsion siyaseti nazirliginiñ matbuat hızmeti haber ete.
Qırımtatar Maaliy Merkezi işğal etilgen Qırımda 2021 senesiniñ yanvar ayı devamında yüz bergen insan aqları bozuluvlarnıñ talilini taqdim ete.Merkezniñ malümatlarına köre esap etilgen devirde yarımadada 3 tintüv, 127 yaqalav/tutuluv, 5 sorqu, sorav ve ''sübet'' keçirildi. Yanvar ayı devamında tefqiflerniñ umumiy sayısı 20 adise, olarnıñ içinde 8 – tamır qırımtatar halqınıñ vekillerine nisbeten. Adaletli mahkeme aqqınıñ bozuluvı boyunca 42 adise aqqında belli. Bedeniy ve ruhiy sağlıqnıñ eñ yuqarı olucı seviyesi saasında aqlar bozuluvınıñ 9 adisesi aqqında belli oldu.Bunen birge siyasiy mabüslerniñ Qırımdan etapnen avuştırıluvı ile bağlı 13 adise qayd etildi.
Evel COVİD 19 (koronavirus) hastalığını ağır keçirgen Aqmescit " Hizb ut-Tahrir davasınıñ" iştirakçısı Teymur Abdullayevge ilâclarnı alıp bermeyler. Siyasiy mabüs endi bir buçuq ay devamında sağlığı içün çoq muim ilâclarğa muhtac. Bunıñ aqqında siyasiy mabüsniñ anası Dilâra Abdullayeva öz Facebook saifesinde haber ete.
İşğalciler Kezlev şeerinde taylaq yapmağa meramları olğanı aqqında bildirdiler.Bu vaziyet cemaatnı çoq raatsız etti,çünki obyektni musulman mezarlığınıñ toprağında yerleştirecekler. Kezlev şeer şurasınıñ "deputatı" Eldar İbragimov öz Facebook saifesinde şu meseleni ögrengeni aqqında bildirdi.
Fevralnıñ 8-de, bazar ertesi kunü, qırımtatar halqı Meclisinıñ ofisinde AHIT Aliy komissarı Kayrat Abdurahmanov ile körüşüv ötkerildi. Meclisniñ vekilleri işğal etilgen Qırımda insan aqları bozuluvınıñ vaziyeti, tamır qırımtatar halqına nisbeten repressiyalar aqqında haber berdiler
Işğalciler siyasiy mabüsi Riza Omerovnıñ ömür arqadaşına nisbeten, onıñ aqayı ve babasına qoltutuv yanğız piketke çıqqanı sebebinden «memuriy iş» açtılar. Şu davanın baqıluvı aqqında qadınnıñ haberi bile olmağan. Bu aqta «Qırım birdemligi» bildire.
Tış işleri ve havfsızlıq siyaseti boyunca AB yuqarı vekili, Avropa kommisiyasınıñ vitse-prezidenti Jozep Borrel "İnterfaks-Ukraina" matbuat vastasına bergen intervyusinde AB ve Rusiye Federatsıyasınıñ arasındaki munasebetler soñki on yılnıñ içinde vira fenalaşalar,ve, Qırımnıñ qanunsız İşğalinden soñ daa ziyade, dep qayd ettı.
3-fevral , çarşenbe künü Rostov-na-Donu şeeriniñ Cenübiy arbiy mahkemesi üçünci Bağçasaray " Hizb ut-Tahrir davasınıñ iştiraqçısı " İsmet İbragimovge sıñırlav müddetini uzattı. O, 2021 senesini iyülniñ 24-ne qadar SİZO-da qaldırıla.
Cumaaqşamı künü, fevralniñ 4-de, rusiye quvetçileri Yalta faali Lüdovika Papadopolunıñ evinde tintüv keçirdiler. Qadınnıñ evinden bütün elektron malümat ve tertibatlarnı çıqardılar. Bu aqta "Krım.Realii" haber ete.
Maaliy Merkezi idaresiniñ yolbaşçısı, Qırımtatar Milliy Meclisniñ uquqiy meseleleri ve tış işleri idaresiniñ başlığı Eskender Bariyev "Gazeta.ua" neşirine yapqan izaatında RF-niñ Qırımdaki suv qıtlığı sebebinden arbiy basqıncılıqqa resursı yetmez dep haber etti.
Fevralniñ 3-de çarşenbe künü, saat 12-de, Qırımtatar Maaliy Merkezi "Kollaborantlarnıñ faaliyetlerine ve sanktsiyalar siyasetine qıymet kesüvi boyunca zemaneviy usullar" adındaki press-konferentsiyanı keçirdi. Konferentsiya devamında işğal akimiyetinen işbirlik tutqan şahıslar içün personal sanktsiyalar ne derece maqsatqa muvafıq olğanına qıymet kesüv usullarını taqdim etti
2 fevral kününiñ sabası itibarınen vaqtınca işğal etilgen Qırımda ve Aqyar şeerinde tacmaraz (covid 19) hastalığına daa 237 kişi oğrağan. Ağımdaki yılnıñ başından berli Qırımda 42 585 kişiniñ bu hastalıqqa oğrağanı aqqında bellidir.
AQŞ-nıñ Rusiyedeki elçisi Con Sallivan "Dojd" telekanalınıñ efirinde Amerika ve Avropa Birligi, Qırımnıñ işğal etilüvi sebebinden kirsetilgen sanktsiyalarnı yımşatmağa niyetleri olmağanı aqqında bildirdi.
Fevralniñ 3-de çarşenbe künü, saat 12-de, Qırımtatar Maaliy Merkezi "Kollaborantlarnıñ faaliyetlerine ve sanktsiyalar siyasetine qıymet kesüvi boyunca zemaneviy usullar".Tedbir Ukraina media-merkeziniñ esasında keçecek, yayınlavnı aşağıdaki ssılkalarnen keçip körmek mümkün olacaq.
Yanvarniñ 28-de, cumaaqşamı künü Yevropa Şurasınıñ Parlament Assambleyası Rusiye Federatsiyasınıñ vekâletlerini tasdiqladı, lâkin Qırım işğalini qabul etmedi.Bunıñ aqqında öz Feysbuk saifesinde PASEdeki ukrain delegatsiyasınıñ başlığı Mariya Mezentseva haber ete.Qayd etile ki, rus delegatsiyasınıñ vekâletlerini tasdiqlamaq içün rey berüvde 107 vekil razılıq kösterdi, 36 delegat qarşı çıqtı, 24-bitaraf ediler. Lâkin oturışmanıñ devamında Qırım ve Donbassnıñ müim sualleri kene de yañğıradı. "Tüzetüvler ve rezolütsiyanıñ üstündeki işte bizge bir sıra memleketler qol tuttı: Velikobritaniya,Slovakiya, Polonya, Latviya, Litva, Estoniya, Şvetsiya em bu episi degil!
2020 senesiniñ devamında bedeniy ve ruhiy sağlıqnıñ eñ yuqarı olucı seviyesi boyunca aqqı bozuluvınıñ 138 adisesi qayd etildi, olarnıñ içinde 111 - qırımtatarlarğa nisbeten. Bu köstergiç keçken yıllarnıñ aynı şu devirine köre artqanını köremiz: 2019 s.-134 adise, 2018 s. - 57 adiseler aqqında belli edi. Bunıñ aqqında QMM tarafından insan aqları bozuluvı boyunca yapılğan talilde aytıla.