Haberler

02.12.2020

Qırımda tacmaraz salğını sebebinden yaqalavlar eksildi - Bariyev

Qırımtatar Maaliy Merkezi idaresiniñ yolbaşçısı, Qırımtatar Milliy Meclisniñ azası Eskender Bariyev ''Apostrof TV'' matbuat vastasına bergen intervyusında işğal etilgen Qırımda insan aqları saasındaki vaziyetni tarif eter eken, işğal etilgen yarımadada tintüv ile yaqalavlarnıñ sayısı tacmaraz salğını sebebinden eki kere eksilgenini qayd etti.

02.12.2020

Bahçisaraydaki ''Hizb ut-Tahrir davası” iştirakçileriniñ apis müddetleriniñ uzatılmasına dair şikâyetleri red etidi

Salı künü, ilk qış aynıñ 2-de, işğal etilgen Qırımnıñ yuqarı ''mahkemesi'' Bahçisaraydaki ''Hizb ut-Tahrir davasınıñ” iştirakçileriniñ apis müddetleriniñ uzatılmasına dair istinaf şikâyetlerini red etti. Alim Sufyanov ve Seyran Hayredinov 2021 senesi saban ayınıñ 2-nece apis altında qalacaqlar.

01.12.2020

İşğal etilgen Qırımdaki havuzlarda suv miqdarı eksilmege devam ete

İşğal etilgen Qırımdaki havuzlarda suv miqdarı eksilmege devam etmekte: qış başında suvnıñ umumiy miqdarı 36.672 mln metr kubnı teşkil etti, keçken ayğa köre ise bu miqdar 7.157 mln metr kubqa azlaştı. Bu aqta işğal etilgen yarımadanıñ sözde ''Gidrometmerkezi'' haber etti.

01.12.2020

Lehistan musulmanları cemiyeti Qırımnı Rusiye ait olaraq qayd etti

Lehistan musulmanları diniy cemiyeti öz İnternet saifesinde Kefe, Bahçisaray, Eski Qırım ve Aqmescit camilerini ''Rusiye Federatsiyası'' yazısı ile derc etti.

01.12.2020

İşğal etilgen Qırımda daa 276 kişi tacmaraz hastalığına oğrağan

İlk qış ay 1 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 276 kişi oğrağan. Ağımdaki yılnıñ başından berli Qırımda 19994 kişiniñ bu hastalıqqa oğrağanı aqqında bellidir.

01.12.2020

NATO Qaradeñiz regionındaki mevcutlığını quvetleştirecek - Stoltenberg

NATO Baş kâtibi Yens Stoltenberg matbuat konferentsiyası esnasında RF işğal etilgen Qırımdaki arbiy küçlerini arttırmağa devam etkeni sebebinden alyans da Qaradeñiz regionındaki mevcutlığını quvetleştirecegini haber etti.

01.12.2020

''Mahkeme'' Aqmescitteki ekinci ''Hizb ut-Tahrir davası'' iştirakçisiniñ istinaf şikâyetini red etti

İşğal etilgen Qırımnıñ yuqarı ''mahkemesi'' Aqmescitteki ekinci ''Hizb ut-Tahrir davası'' iştirakçisi Farhod Bazarovnıñ dava malümatlarınen tanış etüvge dair istinaf şikâyetini red etti.

30.11.2020

İşğal etilgen Qırım topraqlarında ekologik-iklimiy nezaret etüvniñ neticeleri

Diqqatıñızğa Qırımtatar Maaliy Merkeziniñ yanında Qırımda etraftaki müitni qorçalav ve turğun inkişaf etüv boyunca Ekspertler Şurasınıñ Qırım yarımadasında gidrometeorolog közetüvler ağınıñ vaziyetini ve işbu közetüvlerge dair malümatlarnıñ irişilir olmasını talil etken tedqiqat taqdim etile. Şu cümleden, tedqiqatqa Qırım topraqlarındaki meteorologik noqtalarnıñ faaliyeti talil etildi, halqara gidrometeorologik teşkilâtlarınen işbirlik, işbu közetüvlerniñ halqara ağına teslim etüv aqqında malümat toplandı, kâinattan yapılğan resimler yardımınen çeşit türlü ekosistemalarda ve avada yüz bergen deñişmeler talil etildi (etraf müitniñ satellit vastasınen uzaqtan nezaret etüv yapıldı).

30.11.2020

2020 senesiniñ 9 ayı devamında siyasiy mabuslar 33 kere qanunsız şekilde Qırımdan avuştırıldı - QMM

2020 senesiniñ 9 ayı devamında siyasiy mabuslar 33 kere qanunsız şekilde Qırımdan avuştırıldı, olardan 27 tamır halqnıñ vekilleri edi. Keçken seneniñ aynı devirinde 69 adise qayd etildi. Bu aqta 2020 senesiniñ 9 ayı devamında yüz bergen insan aqlarınıñ bozuluvları boyunca Qırımtatar Maaliy Merkezi tarafından azırlanğan esabatta haber etile.

30.11.2020

2020 senesi devamında Qırım siyasiy mabuslarınıñ saqlıq aqları ziyade bozula - QMM

2020 senesiniñ 9 ayı devamında fizikiy ve ruhiy sağlığınıñ eñ yüksek seviyesine irişe bilüv aqqınıñ bozuluvı ile bağlı 112 adise qayd etildi, olardan 91 qırımtatarlarnen bağlı edi. İşbu köstergiç evelki yıllarğa köre arttı: 2019 senesiniñ aynı devirinde 90 adise, 2018 senesi ise 40 adise qayd etildi. Bu aqta 2020 senesiniñ 9 ayı devamında yüz bergen insan aqlarınıñ bozuluvları boyunca Qırımtatar Maaliy Merkezi tarafından azırlanğan esabatta haber etile.

30.11.2020

İşğal etilgen Qırımda COVİD-19 tacmaraz hastalığına oğrağanlarnıñ sayısı 19 biñni aştı

Boş ay 30 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 292 kişi oğrağan. Ağımdaki yılnıñ başından berli Qırımda 19718 kişiniñ bu hastalıqqa oğrağanı aqqında bellidir.

29.11.2020

QMM qırımtatarlar halq ögünde keçirecek diplomatiya Akademiyasından yañı mezunlarını çıqardı

Bazar künü, boş aynıñ 29-da, Qırımtatar Maaliy Merkezi "Fridrih Naumann adına Azatlıq fondunıñ" Ukrainada vekilliginiñ qol tutuvı ile Qırımtatarlar halq ögünde keçirecek diplomatiya IV Akademiyasınıñ yekünleyici 6-ncı sessiyasını keçirdi. Soñki sessiya çerçivesinde Akademiya diñleyicileri levhalarnı yaratuv üzerinde çalışmağa devam ettiler ve halq ögünde çıqışlarğa azırlanuvnıñ hususiyetlerini amelde pekittiler.

28.11.2020

Qırımtatarlar halq ögünde keçirecek diplomatiya Akademiyasınıñ faalleri yaratıcı levhalar içün ğayeler üzerinde çalışalar

Cumaertesi künü, boş aynıñ 28-de, Qırımtatar Maaliy Merkezi "Fridrih Naumann adına Azatlıq fondunıñ" Ukrainada vekilliginiñ qol tutuvı ile Qırımtatarlar halq ögünde keçirecek diplomatiya IV Akademiyasınıñ 5-nci sessiyasını keçirdi. Sessiya çerçivesinde kelecekte halq ögündeki diplomatlar halqara haber etüv leyhalarında körgezmeli til ile dizaynnıñ rölü ve halq ögünde çıqışlar sanatınen tanış oldı.

27.11.2020

İşğal etilgen Qırımda daa 276 kişi tacmaraz hastalığına oğrağan

Boş ay 27 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 276 kişi oğrağan. Ağımdaki yılnıñ başından berli Qırımda 18842 kişiniñ bu hastalıqqa oğrağanı aqqında bellidir.

27.11.2020

ABD Rusiye Federatsiyasını işğal etilgen Qırımdaki suistimallarını toqtatmağa çağırdı

Amerika Birleşken Devletleriniñ AHİT-da Elçisi Ceyms Gilmor Rusiye Federatsiyasını işğal etilgen Qırımdaki suistimallarını toqtatmağa çağırdı. O, Rusiyege boysunmağan faallerniñ zorbalıqnen psihiatrik hastahanelerge yerleştirilip cezalanğanı munasebetinen öz raatsızlığını bildirdi.

27.11.2020

Ukraina halqara aq qorçalav vastalarınıñ Qırımğa maniasız irişe bilmesini talap ete

Cumaaqşamı künü, boş aynıñ 21-da Viyanada Ukrainanıñ halqara teşkilâtlarda daimiy temsilcisi Yevgen Tsımbalük AHİT Daimiy şurasınıñ oturuşuvı esnasında Rusiye Federatsiyasından halqara aq qorçalav vastalarınıñ, şu cümleden, AHİT Mahsus nezaret etici missiyasınıñ Qırımğa maniasız irişe bilmesini talap etti.

27.11.2020

Bahçisaraydaki ''Hizb ut-Tahrir davası” iştirakçileriniñ apis müddetleri uzatıldı

Aqmescitniñ Kıyiv rayon ''mahkemesi'' Bahçisaraydaki ''Hizb ut-Tahrir davasınıñ” iştirakçilerine apis müddetlerini uzattı. Oleksandr Sizikov, Vadim Bektemirov, Alim Sufyanov, İsmet İbragimov ve Seyran Hayredinov 2021 senesi saban ayınıñ 2-nece, Zekirya Muratov ise 2021 senesi qural aynıñ 17-ne qadar apis altında qalacaqlar.

27.11.2020

Qırımda adaletli mahkeme aqqınıñ 332 kere bozulğanı qayd etildi - QMM

2020 senesiniñ 9 ayı devamında işğal etilgen Qırımda adaletli mahkeme aqqınıñ 332 kere bozulğanı qayd etildi, olardan 277 qırımtatarlarnen bağlı edi. Bu köstergiç evelki yıllarğa köre eksildi: 2019 senesiniñ 9 ayı devamında 578 adise, 2018 senesi ise 355 adise qayd etildi. Bu aqta 2020 senesiniñ 9 ayı devamında yüz bergen insan aqlarınıñ bozuluvları boyunca Qırımtatar Maaliy Merkezi tarafından azırlanğan esabatta haber etile.

26.11.2020

Avropa Birligi Rusiye Federatsiyasına qarşı sanktsiyalarını devam etecek

Cumaaqşamı künü, ilk qış ayınıñ 10-da, Avropa Birliginiñ elçileri Rusiye Federatsiyasına qarşı iqtisadiy sanktsiyalarını 6 ayğa uzatacaqlar. Bu aqta jurnalist Rikard Yozvâk öz Twitterdeki saifesinde haber etti.

26.11.2020

2020 senesiniñ 9 ayı devamında işğal etilgen Qırımda 195 insan tevqif etildi - QMM

2020 senesiniñ 9 ayı devamında işğal etilgen Qırımda 195 insan tevqif etildi, olardan 152 - tamır qırımtatar halqınıñ vekilleridir. 195 adiseden 48 yañı tevqif etüv ve çıqarılğan ükümler, 147 - qırımlı siyasiy mabuslarğa tevqif etüv müddetleriniñ uzatılmasıdır. Bu aqta 2020 senesiniñ 9 ayı devamında yüz bergen insan aqlarınıñ bozuluvları boyunca Qırımtatar Maaliy Merkezi tarafından azırlanğan esabatta haber etile.