Cenübiy okrugınıñ arbiy mahkemesi ''Hizb ut-Tahrir davasınıñ'' iştirakçisi, oraq ayınıñ 7-nde keçirilgen kütleviy tintüvler esnasında yaqalanğan Zekirya Muratovnı işğal etilgen Qırımdan Rusiye tevqifhanesine avuştırmağa avale etti. Bu aqta ''Qırım birdemligi'' haber etti.
Bazartesi künü, ilk qış ayınıñ 7-de, BM Baş Assambleyası Qırımnıñ Rusiye tarafından arbiyleştirilmesine dair Ukrainanıñ quvetleştirilgen qararname leyhasına qol tuttı. Mütenasip qararğa 63 devlet qol tuttı, 17 ise qarşı çıqtı. Bu aqta Ukrainanıñ BM teşkilâtı yanındaki Daimiy temsilciligi haber ete.
İşğal etilgen Qırımnıñ Ekologiya ve tabiat menbaları naziri Gennadiy Narayev ''Qırım 24'' televizion kanalında çıqışta bulunır eken, yarımadada qanunsız şekilde suv çıqarğan 58 araçıq tapılğanını haber etti.
Bazartesi künü, ilk qış ayınıñ 7-de, tacmaraz salğını darqalğanına baqmadan, işğal etilgen Qırımda nevbetteki qanunsız arbiy talimatlar keçirildi, işbu talimatlar esnasında uçucılar adiy ve mürekkep uçuv vazifelerini becerdiler. Bu aqta RF Cenübiy arbiy bölüginiñ matbuat hızmeti haber etti.
İlk qış ayı 7 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 344 kişi oğrağan. Ağımdaki yılnıñ başından berli Qırımda 21951 kişiniñ bu hastalıqqa oğrağanı aqqında bellidir.
ABD Kongresiniñ vekilleri odası işğal etilgen Qırımda siyasiy sebeplerden insanlarnı azatlıqtan marum etken Rusiyeni takbih etken qararğa qol tuttı, çünki böyle areketler insan aqları saasında işbu devlet bergen mecburiyetlerni ve qanun üstünligini bozalar.
Cuma künü, ilk qış ayınıñ 4-de, Qırımtatar Maaliy Merkezi "Fridrih Naumann adına Azatlıq fondunıñ" Ukrainada vekilliginiñ qol tutuvı ile Qırım munaqaşalar klubınıñ XVII toplaşuvını ötkerdi. Tedbir çerçivesinde ekspertler ''Qırım platformasınıñ'' peyda oluv sebeplerini, çağıruvlarını, telükelerini ve hususiyetlerini, platformanıñ faaliyetini teşviq etmek maqsadınen cemaat, uquq qorçalav ve ilmiy teşkilâtlarnıñ vazifelerini muzakere ettiler. Muzakere etüvniñ neticeleri esasında Qırımtatar Maaliy Merkezi Ukraina akimiyeti, hususan Ukraina çetel işler Nazirlgi içün mütenasip tevsiyelerini azırlaycaqtır.
İlk qış ay 4 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 325 kişi oğrağan. Ağımdaki yılnıñ başından berli Qırımda 20937 kişiniñ bu hastalıqqa oğrağanı aqqında bellidir.
Cuma künü, ilk qış ayınıñ 4-de, Rusiye quvetçileri ''Veciye Kaşka davasınıñ'' iştirakçisi, 63-yaşlı qırımtatar faali Kazim Ametovnıñ evine kelip, tintüv keçirdiler. Bu aqta ''Qırım birdemligi'' haber etti.
''Qırım platforması'' deputatlar birleşmesiniñ reislerinden biri, ''Halq hızmetçisi'' fırqasınıñ azası Yelizaveta Yasko Ukraina Yuqarı Şurasında Qırımnıñ işğalden azat etilüvine dair tışqı siyaset boyunca diñlevlerniñ keçirilmesi planlaştırılğanını haber etti. Bu aqta o, öz Facebook saifesinde haber etti.
Bahçisaraydaki üçünci "Hizb ut-Tahrir davasınıñ'' iştirakçisi Rustem Seytmemetov Rusiyeniñ Rostov-na-Donu şeerindeki tevqifhaneniñ mahsus blokuna ''vaqtınca'' keçirildi. Bu aqta ''Qırım birdemligi'' haber ete.
Soçi seerindeki umumiy adliye Üçünci istinaf mahkemesi ekinci Aqmescitteki ''Hizb ut-Tahrir davasınıñ'' iştirakçilerini apis altında qaldırdı. Ruslan Suleymanov ve Seyran Murtaza tevqifhanede 2020 senesi ilk qış ayınıñ 15-nece qalacaqlar.
Ukraina Yuqarı Şurasında ''Qırım platforması'' firqalararası deputatlar birligi teşkil etildi, onıñ reisleri arasında qırımtatar halqınıñ liderleri de bar. Bu aqta parlamentniñ oturışuvında Yuqarı Şurasınıñ reisi Dmıtro Razumkov haber etti.
İlk qış ay 3 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 316 kişi oğrağan. Ağımdaki yılnıñ başından berli Qırımda 20612 kişiniñ bu hastalıqqa oğrağanı aqqında bellidir.
İşğal etilgen Qırımnıñ sabıq prokurorı, Rusiye Devlet Dumasınıñ deputatı Natalya Poklonskaya işğal etilgen Qırımda tacmaraz ile bağlı vaziyetni izaatlar eken, ''acele yardım arabaları adamlarğa kelmey, hastahanelerde yer yoq ve testler er keske yetişmey'', - dep qayd etti. Bu aqta o, Telegramda bildire.
Çarşembe künü, ilk qış ayınıñ 2-de, NATO Baş kâtibi Yens Stoltenberg Alyansnıñ çetel işler nazirleriniñ ekinci künü körüşüviniñ neticelerine bağışlanğan matbuat konferentsiyasında RF Qırımdaki arbiy küçlerini arttırmağa devam etkenini qayd etti. Bu areketlerge cevap olaraq NATO Qaradeñiz regionındaki mevcutlığını quvetleştire.
Qırımtatar halqı Qurultayınıñ vekili, Ukraina halq deputatı Rustem Umerov Ukraina Yuqarı Şurasında çıqışı esnasında siyasiy mabuslarnı azat etüv meselesi boyunca İdarelerarası yönetici merkezni teşkil etmek teşebbüsi aqqında haber etti.
Cuma künü, ilk qış ayınıñ 4-de Qırımtatar Maaliy Merkezi "Fridrih Naumann adına Azatlıq fondunıñ" Ukrainada vekilliginiñ qol tutuvı ile Qırım munaqaşalar klubınıñ XVII toplaşuvını ötkerecek. «''Qırım platforması'' ve Qırım boyunca başqa muzakere etüv ceryanlar» mevzusında vebinar Zoom platformasında ve Qırımtatar Maaliy Merkeziniñ Facebooktaki saifesinde keçirilecek. Faal iştirak etmege davet etemiz!
Çarşembe künü, ilk qış ayınıñ 2-de, işğal etilgen Qırımdaki yuqarı ''mahkemede'' qırımtatar ''ATR'' telekanalınıñ saibi Lenur İslâmovğa qarşı açılğan dava boyunca ''mahkeme taqiqatı'' bitti. ''Pokuror'' Roman Lobov, yaqalanğan ya da Rusiyege zorbalıqnen ketirilgen soñ, İslâmovnı 19 yılğa azatlıqtan marum etip, 2 yıl devamında informatsion faaliyetinen oğraşmaqnı yasaq etmege teklif etti. Bu aqta ''Qırım ceryanı'' haber ete.
İlk qış ayı 2 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 302 kişi oğrağan. Ağımdaki yılnıñ başından berli Qırımda 20296 kişiniñ bu hastalıqqa oğrağanı aqqında bellidir.