Qırımtatar Maaliy Merkezi

Haberler

14.04.2020

Rusiye işğal etilgen Qırımda nevbetteki arbiy talimlerni keçirdi

Aprelniñ 14-de Rusiye işğal etilgen Qırımda yuqunçlı hastalıqnıñ tarkaluvına baqmadan nevbetteki qanunsız arbiy talimlerni keçirdi. Rusiye Qara deñiz flotunıñ bölükleri gece atışlarını ötkerip, cenk maşnalarını gece vaqıt aydamağa ögrendiler. Bu aqta "İnterfaks" haber agentligi bildirdi.

13.04.2020

Seytumer Seytumerov, oña qarşı "davanı" siyasiy sebeplerden açtılar dep saya

Aprelniñ 10-da işğal etilgen Qırımnıñ Yuqarı "mahkemesi" Bahçisaraydaki üçünci "Hizb ut-Tahrir davasınıñ" mabüsi Seytumer Seytumerovnıñ istinaf şikâyetini baqtı. Siyasiy mabüs, oña qarşı "dava" siyasiy sebeplerden açılğanını qayd etip, "mahkeme" oturışuvında laf etmege red etti. Bu aqta "Qırım birdemligi" birleşmesi haber etti.

13.04.2020

Bahçisaraydaki ekinci "Hizb ut-Tahrir davasınıñ" mabüslerine apis müddetini uzattılar

Aprelniñ 13-de Rostov-na-Donu şeerindeki Cenübiy arbiy bölge mahkemesi Bahçisaraydaki ekinci "Hizb ut-Tahrir davasınıñ" mabüslerine apis müddetini uzattı. Marlen Asanov, Server Zekiryayev, Memet Belâlov, Seyran Saliyev, Ernes Ametov, Timur İbragimov, Edem Smailov ve Server Mustafayev apiste 2020 senesi avgustnıñ 13-ce qalacaqlar. Bu aqta "Gratı" saifesi haber etti.

10.04.2020

Rusiye esirler deñişiminen bağlı muzakerelerni toqtattı - Polozov

Advokat Nikolay Polozovnıñ sözlerine köre, Rusiye esirler deñişiminen bağlı muzakerelerni toqtatmağa qarar aldı. Laf Rusiye akimiyeti öz toprağında ve işğal etilgen Qırımda qanunsız şekilde tutqan qırımtatarlar ve ukrainler aqqında kete. Bu aqta Nikolay Polozov ukrain telekanalınıñ yayınında bildirdi, haber ete «24 kanal».

10.04.2020

Niayet bir yıldan soñ siyasiy mabüs Rustem Emirüseinov ömür arqadaşınen körüşti

Qurmandaki «Hizb ut-Tahrir davasınıñ» iştirakçisi Rustem Emirüseinovnıñ ömür arqadaşına 2019 senesi fevral ayından berli tek endi qısqa müddetli körüşme berdiler. Siyasiy mabüs apiste tutılması şaraitine şikâyet ete edi. O, tış ekimi ve protezci yardımına muhtac. Bu aqta Qırımtatar Maaliy Merkezine onıñ apayı Aliye tarif etti.

10.04.2020

İşğalciler koronavirus telükesi sebebinden hastahanelerni qapatalar

Ermeni Bazarda ekimler ve hastalar koronavirus telükesi altında olğanı sebebinden hastahane qapatıldı. Bu aqta Qırım «yolbaşçısı» Sergey Aksenov koronavirus yukunçınıñ cayramasına qarşı operativ ştabınıñ toplaşuvında bildirdi. Aynı bu sebepten Aqyarda da hastahane qapatıldı.

09.04.2020

Qırımda işğalciler qırımtatarlardan "Dünya zorbalıq ve işğalge qarşı. İtibar marşı" aktsiyasına qoşulacaqlarmı dep soraylar

Aprelniñ 9-nda Sudaqta Rusiye «uquq qoruyıcıları» qırımtatar milliy areketiniñ faalleri, Sudaq regional meclisi azalarınıñ evlerini aylânıp keçip mayısnıñ 3-nde ötkerilmege planlaştırılğan "Dünya zorbalıq ve işğalge qarşı. İtibar marşı" aktsiyasına qoşulacaqlarmı dep soray ediler. Bu aqta Qırımtatar Milliy Meclisiniñ reisi Refat Çubarov öz Facebook saifesinde bildirdi.

09.04.2020

İşğal etilgen Qırımda faallerge «tenbi vesiqalarını» bermege devam eteler

İşğal etilgen Qırımnıñ İçki rayonında «polis» hadimleri qırımtatar faallerine «Ekstremist faaliyetine qarşı çıqması aqqında» qanunınıñ bozulmamasına dair yedi «tenbi vesiqasını» berdi. «Uquq qoruyıcıları» öz areketlerini sanki faaller «bir yerde köründiler», cedvel ise Aqmescitten yollanıldı dep esasladılar. Bu aqta qırımtatar faali Rustem Mennanov öz Facebook saifesinde bildirdi.