Qırımtatar Maaliy Merkezi

Haberler

29.04.2020

İşğal etilgen Qırımdaki apislerde koronavirus şübesi olğan mabüslerni "karantin kameralarında" tutalar

Qırım Muhtar Cumhuriyetiniñ prokuraturası işğalcilerge qarşı koronavirus qırğınlığı vaziyetinde Qırımdaki apislerde kerekli şarait temin etilmegeni içün dava açtı. Taqiqat tevqifhanelerinde koronavirus ya da keskin nefes virus yuqunçı şübesi olğan mabüslerni "karantin kameralarında" tutıp, iç bir tibbiy yardım bermeyler. Bu aqta prokuraturanıñ matbuat hızmeti haber ete.

28.04.2020

Qırımtatar Maaliy Merkezi Qırım işğali qurbanlarınıñ elektron malümat toplamını taqdim etti

Salı künü, aprelniñ 28-de, Qırımtatar Maaliy Merkezi onlayn rejiminde Qırım işğali qurbanlarınıñ elektron malümat toplamını taqdim etti. Malümat toplamı teşkilâtnıñ saytında 4 tilde mevcut olacaq. Şu leyha yarımada işğaliniñ qurbanları aqqında aqiqiy malümatnı elde etip, işğalci devletke qarşı basqını quvetleştirmege yardım etecek. Bu aqta Qırımtatar Maaliy Merkezi idaresiniñ yolbaşçısı, Qırımtatar Milliy Meclisiniñ azası Eskender Bariyev yayın vaqtında bildirdi.

27.04.2020

Er bir mabüske üylelik soğannıñ yarısını bereler - advokat

Bazarertesi künü, aprelniñ 27-de advokat Nikolay Polozov sanki Rusiyege qarşı casuslıqta qabaatlanğan İvan Yatskin ile körüşti. Siyasiy mabüs özüni yahşı duya, amma «Lefortovo» taqiqat tefqifhanesinde koronavirus yuqunçı vaziyetinde mabüslerniñ sıcağını ölçemeyler, üylelik ise er birine yarım soğan bereler dep qayd etti. Bu aqta advokat öz Facebooktaki saifesinde haber etti.

27.04.2020

Faaller Rusiyeden bütün siyasiy mabüslerni yibermege talap eteler

#PrisonersVoice teşebbüsi Kreml esirlerini azat etmek maqsadınen aktsiyanı başlattı. Faaller halqara teşkilâtlarnı, şu cümleden BM, Avropa Şurası ve Avropada Telükesizlik ve İşbirlik Teşkilâtini Rusiye ve işğal etilgen Qırımda tutılğan bütün siyasiy mabüslerni azat etmek içün Rusiyege qarşı basqı yapmağa çağıralar. Bu aqta teşebbüsniñ Facebooktaki saifesinde haber etildi.

22.04.2020

Qırımtatar Maaliy Merkezi 15 teşkilâtnen beraberlikte İtaliya baş nazirine Rusiye arbiy bulunuvınen bağlı mektüp yolladı

Qırımtatar Maaliy Merkezi, "Açıq dialog" fondu, İtaliya insan aqları federatsiyasi ve daa 13 aqqorçalayıcı teşkilâtnen beraberlikte İtaliya baş naziri Cuzeppe Konte adına yazılğan mektüpni imzaladı. Hitapname, COVID-19 qırğınlığı sebebinden Moskva İtaliyağa yollağan yardım çerçivesinde şu memleketke Rusiye arbiyleri kelgeninen bağlıdır.

21.04.2020

Siyasiy mabüs Yaşar Muyedinovnı ruhiy hastahanede qatilnen beraber tutalar

Aqmescitteki ekinci "Hizb ut-Tahrir davasınıñ" iştirakçisi Yaşar Muyedinovnı mecburiy psihiatrik teşkerüvinden keçirmek içün Qırım cumhur ruhiy hastahanesine yatqızdılar. Anda onı ciddiy ruhiy bozuqlıqları olğan insannen beraber tutalar. Muyedinovnıñ sözlerine köre, şu insan özüni uyğunsız tutıp, er daim onı kötekke qızıştıra. Belli olğanı kibi, şu insan, SİZOda bulunğan vaqıt onen beraber bir kamerada tutılğan mabüsni öldürdi. Bu aqta, advokat Venera Abdışayevanıñ sözlerine atıf etip, "Qırım birdemligi" birleşmesi haber etti.