Qırımtatar Maaliy Merkezi

Haberler

26.05.2020

Timur Şaymardanov qayda? 6 yıl evel ğayıp olğan faal aqqında ale daa iç bir malümat yoq

2014 senesi mayısnıñ 26-da işğal etilgen Qırımda "Ukraina halq evi" cemaat teşebbüsiniñ azası Timur Şaymardanov saba evden çıqıp, keri qaytmadı. Onıñ qayda ve nasıl allarda ğayıp olğanı – belli degil, şaatlar yoq. Şu sebepten em işgal etilgen Qırımda, em de Ukraina qıtasında cinaiy davalar açıldı, amma taqiqat iç bir neticege kelmedi. Ümüt etemiz ki, Timur Şaymardanov öz ailesine qaytıp kelir.

25.05.2020

Siyasiy mabüslerniñ tayinlengen devlet advokatı koronavirusnen hastalandı

Bazarertesi künü, mayısnıñ 25-de Rostov-na-Donu şeerniñ Cenübiy bölgesiniñ arbiy mahkemesinde "Hizb ut-Tahrir davası" boyunca oturışta mabüslerniñ tayinlengen devlet advokatı koronavirusnen hastalanğanı belli oldı. Bu vaziyet siyasiy mabüsler, şu cümleden 65 yaşında Lenur Halilovnıñ yaşayışı içün telükelidir. Bu aqta "Qırım birdemligi" birleşmesi haber etti.

24.05.2020

4 yıl evel işğal etilgen Qırımda Ervin İbragimov hırsızlandı

2016 senesi mayısnıñ 24-de işğal etilgen Bağçasarayda Dünya qırımtatar kongressi icra komitetiniñ azası Ervin İbragimov ğayıp oldı. Faalniñ babası emin ki, Ervinni Rusiye quvetçileri evelden azırlanıp, hırsızladılar. Dört yıl içinde işğalciler açqan cinaiy davada iç bir ilerilev yoq ve faal bulunğan yeri ale daa belli degil. Ümüt etemiz ki, Ervin tapılıp, öz evine, ana-babasına mıtlaqa qaytır!

18.05.2020

Soyqırımnıñ qurbanlarını ilk kere halqara seviyede añdılar (mitingniñ videosı)

Bazarertesi künü, mayısnıñ 18-de ilk kere qırımtatar halqı soyqırımnıñ qurbanları hatırasına bağışlanğan matem mitingi halqara seviуede keçirildi. Onlayn-miting bütün dünyağa yayınlandı. Qırımtatarlarnen birdemlikni köstermek içün merasimge Kanada parlamenti, Litvaniya seymi, Türkiye prezidenti, Ukraina tış işler nazirliginiñ vekilleri, faaller, siyasetçiler, elçiler ve bütün dünya boyunca qırımtatar ve ukrain diasporalarınıñ temsilcileri qoşuldılar.

18.05.2020

Nyü-Yorkta matem şeriti ile qırımtatar milliy bayrağını köterdiler

Bazarertesi künü, mayısnıñ 18-de Nyü-Yorkta, Birleşken Milletlerde Ukrainanıñ daimiy temsilciligi binasında 1944 senesi Qırımdan sürgün etilgen qırımtatarlarnıñ hatırasına matem şeritnen qırımtatar milliy bayrağı köterildi. Bu aqta Twitterde temsilcilikniñ matbuat merkezi haber etti.

16.05.2020

1944 senesi soyqırımınıñ şaatları (video)

Qırımtatar Maaliy Merkezi "1944 senesi soyqırımınıñ şaatları" vesiqalı filminiñ qısqa şeklini taqdim etti. Filmde sürgünlikniñ qurbanları 1944 senesi mayısnıñ 18-de olğan facia aqqında tarif eteler. Bundan ğayrı rolikte Qırımtatar Milliy Meclisi, Qırımtatar Maaliy Merkezi, Qırım Muhtar Cumhuriyeti prokuraturasınıñ vekilleri, advokat, mahkemeci, tarihçı ve halqara uquq mütehassısı sürgünlikniñ soyqırım olaraq taqiqat etilüvi ve mahkeme qararı çıqarmasınıñ müimligi aqqında aytalar.

13.05.2020

Qırğınlıq vaziyetinde iç bir qorçalav vastası berilmey – siyasiy mabüs İzzet Abdullayevniñ ömür arqadaşı

Koronavirus yuqunçınıñ tarqaluvı vaziyetinde ekinci Aqmescitteki "Hizb ut-Tahrir davasınıñ" iştirakçisi İzzet Abdullayevge şahsiy qorçalav vastalarnı ailesi ketirip bere, çünki taqiqat tevqifhanesinde hastalıqtan qorçalanmaq içün iç bir şey bermeyler. Bu aqta Qırımtatar Maaliy Merkezine siyasiy mabüsniñ ömür arqadaşı Güzel haber etti.