Qırımtatar Maaliy Merkezi

Haberler

01.10.2020

İLÂN: "İşğalniñ reineleri" sergisi Odesada açıla

Cumaaqşamı, ekim ayı 8 künü saat 16:00-da M. Gruşevskıy adına Odesa vilâyeti universal ilmiy kitaphanesinde(Troyitska soqağı, 49/51) Qırım işğaliniñ reinelerine çevirilgen qırımtatar qorantalarına bağışlanğan "İşğalniñ reineleri" adlı albom ve sergi taqdim etilecektir. Bu adamlar nasıl yaşay? Ayatları nasıl deñişti? Olar nasıl qıyınlıqlarğa rast keleler? Aydın kelecekleri içün nasıl küreşeler? Ne aqqında arzu eteler? Bu suallerge cevaplarnı ekim ayı 8 künü keçirilecek tedbirimizde ala bilirsiñiz. Memleket içinde avuşqan ve vaqtınca işğal etilgen Qırımda yaşamağa devam etken cemi 20 qoranta ile tanış olmağa davet etemiz. Tedbir karantin tertibiniñ bütün şartlarına ve sıñırlamalarına riayet etip keçirilecektir.

04.09.2020

Ukrainanıñ Milliy Şurası 7 yayınlayıcığa işğal etilgen Qırımnıñ memuriy sıñırda ҫalışmağa ruhset etti.

Cumaaqşamı, sentâbrniñ 3-nci künü, televizion ve radio yayınlanuvından Ukrainanıñ Milliy Şurası işğal etilgen Qırımnıñ memuriy sıñırda muvaqqat yayınlav iҫün ruhset berüv aqqında arizalarnı baqtı. Ukrainanıñ Milliy Şurası 6 yayınlayıcınıñ ruhsetlerniñ işlev müddetiniñ vaqtını bir yılğa uzattı ve yanı bir ruhsetni berdi. Bunı müessiseniñ matbuatı bildirdi.

03.09.2020

Siyasiy mabüs Mecit Ablâmitovnıñ apis şikâyetini red ettiler

“Qırım fikirdeşligi”niñ malümatına köre, çarşenbe künü, sentâbrniñ ekisinde, Qırım Yuqarı “makemesi” yaqalanğan Mecit Ablâmitovnıñ sıñırlama tedbiri saylavına, mudafaa tarafından bergen apellâtsiya şikâyetini red etti. Onı “Noman Ҫelebicihan adıña batalyonda iştirakta eken” şübeleneler. Mecit Ablâmitov 2020 yılnıñ oktâbrniñ 17-gece tevqifli olacaq.

28.06.2020

Siyasiy mabüs Seytumer Seytumerov 32 yaşını toldurdı

Bazar künü, iyunniñ 28-de, siyasiy mabüs, Bağçasaraydaki üçünci "Hizb ut-Tahrir davasınıñ" iştirakçisi Seytumer Seytumerov 32 yaşını toldurdı. O, öz doğğan kününi Rusiyeniñ Federal havfsızlıq hızmetiniñ apishanesinde qayd etmege mecbur. Anda onı ve "davanıñ" başqa iştirakçilerini Qırımnıñ işğalci akimiyeti qanunsız şekilde tuta. Qırımtatar Maaliy Merkezi can-yürekten Seytumer Seytumerovnı doğğan kününen hayırlay! Tezce apisten azat etilip, qorantanen qavuşmağa tileymiz! Allah baht, sabır ve sağlıq bersin!

27.06.2020

Kiyevde Qırımtatar milliy bayraq kününi qayd ettiler (resimler)

Cuma künü, iyunniñ 26-da, Kiyevniñ merkezinde Qırımtatar milliy bayraq kününiñ 10 yıllığına bağışlanğan tantanalı yürüş ötkerildi. Yüzlerce insanlar Ukraina paytahtınıñ merkeziy soqağı Hreşçatik boyunca 39 metrli bayraqnen keçtiler. Tedbir Mustaqillik Meydanında mitingnen yekünlendi. Mitingde Qırımtatar Milliy Meclisniñ azaları, faaller, din ve siyaset erbapları çıqışta bulundılar.

24.06.2020

Qırımtatar milliy bayraq künü munasebetinen Kiyevde ötkerilecek tedbirler

Qırımtatar Yaşlar Merkezi ve diger gençler teşkilâtları teşebüssinen 2010 senesi iyunniñ 26-da qırımtatarları ilk kere Qırımtatar milliy bayraq kününi qayd ettiler. 2010 senesi avgustnıñ 29-da V Qurultaynıñ III toplaşuvında Qırımtatar milliy bayraq kününi iyunniñ 26-da, II Qurultay başlanğan künü qayd etmege qarar qabul etildi. Bu sene Qırımtatar milliy bayraq künü qayd etilgenine 10 yıl oldı. Şu künge bağışlanğan tantanalı tedbirlerge er kesni qoşulmağa davet etemiz.