Qırımtatar Maaliy Merkezi

Haberler

12.10.2020

Kıyiv şeerinde işğal etilgen Qırımda etraftaki muit vaziyeti ve onı qorçalav yolları muzakere etildi

Bazar künü, ekim ayınıñ 11-de, Qırımtatar Maaliy Merkeziniñ ofisinde Qırımda etraftaki müitni qorçalav ve turğun inkişaf etüv boyunca Ekspertler Şurasınıñ kenişletilgen oturışuvı olıp keçti. Oturışıv iştirakçileri yarımadadaki etraftaki müit vaziyetini ve tehnogen vaziyetni talil ettiler ve Qırım tabiyatını qorçalamaq maqsadınen işğalcilerge tesir ete bilecek uquqiy vastalarnı muzakere ettiler.

09.10.2020

''Büyük Britaniya Ukrainanıñ eñ ateşli tarafdarıdır'' - Johnson

Cumaaqşamı, ekim ayınıñ 8-de Büyük Britaniya Baş naziri Boris Johnson Ukraina Prezidenti Volodımır Zelenskıy ile körüşti, körüşüv esnasında taraflar vaqtınca işğal etilgen Qırımdaki vaziyetni muzakere ettiler. Johnson, Büyük Britaniya Ukrainanıñ egemenligine ve topraq bütünligine qol tutqanını qayd etti.

09.10.2020

Ukraina tarafdarı faalci Oleg Prıhodko bir yıldan berli apiste buluna

Bir yıl evelsi, ekim ayınıñ 8-de Rusiye quvetçileri Saq rayonınıñ Orehovo köyünde Ukraina tarafdarı faalci Oleg Prıhodkonıñ evinde tintüv keçirip, onı yaqaladı. Faalci terrorizmde ve ''patlayıcı aletlerni yasağanında'' qabatlandı. Al-azırda Prıhodko bir yıldan berli qanunsız alda apiste buluna.

08.10.2020

QMM «Le Figaro» ve «The Daily Telegraph» matbuat vastalarını Qırımda qanunısız ''qazılarğa'' haberleri vastasınen qol tutuvğa dair tenbiledi

Qırımtatar Maaliy Merkezi sözde «Rusiye-Frenkistan tarihiy teşebbüsler fondunıñ» faaliyetine haberleri vastasınen qol tutuv aqqında ağımdaki senesiniñ ekim ayında ilân etken «Le Figaro» frenk gazetasına ve «The Daily Telegraph» britan gazetasına raatsızlığını bildirgen mektüpler yolladı. İşbu fond vaqtınca işğal etilgen Qırımda kütleviy ''qazmalar'' yapmağa ve XIX asırda yüz bergen Qırım cenkiniñ iştirakçilerini ''yañıdan defn etmege'' niyetlene.

08.10.2020

Büyük Britaniya Qırım platformasına qoşulmağa davet etildi

Çarşembe künü, ekim ayınıñ 7-de, Ukraina çetel işler Naziri Dmıtro Kulebanıñ Büyük Britaniya çetel işler, milletlerara dostluq ve inkişaf meseleleri boyunca devlet kâtibi Dominik Raab ile keçirgen körüşüvi esnasında Qırım platformasınıñ teşkil etilüvi muzakere etilgen edi. Bu aqta müessiseniñ matbuat hızmeti haber ete.

07.10.2020

''ŞİZO'' ya da ''SUS'' - işğalciler siyasiy mabus Teymur Abdullayevni tamamen tecrit etmeqe qarar berdiler

Aqmescitteki birinci "Hizb ut-Tahrir davasınıñ" iştirakçisi Teymur Abdullayevni taqriben 6 ay bulunğan ceza tevqifhanesinden kene de qattı nezaret şaraitlerine saip olğan ücrege, yani SUS-qa keçirdiler. Bu aqta Qırımtatar Maaliy Merkezine onıñ ömür arqadaşı Alime haber etti ve siyasiy mabus daima ya da ceza tevqifhanesinde, ya da SUS-ta bulunğanını qayd etti.

07.10.2020

Avropa Birligi Qırım platformasında iştirak etmege azırdır

Salı künü, ekim ayınıñ 6-da, Ukraina-AB 22-nci Toplaşuvınıñ neticelerine bağışlanğan matbuat konferentsiyasında Ukraina prezidenti Volodımır Zelenskıy, Avropa Birligi Ukrainanıñ teşebbüsinen teşkil etilgen Qırım platformasında iştirak etmege azır olğanını haber etti. Bu aqta prezident Ofisiniñ matbuat hızmeti bildirdi.

07.10.2020

AB ve Ukraina Rusiyeni bütün ukrain siyasiy mabuslarnı azat etmege çağırdı

Sali künü, ekim ayınıñ 6-da, Ukraina Prezidenti Volodımır Zelenskıy, Avropa Şurasınıñ prezidenti Şarl Mişel ve Avpora komissiyasınıñ prezident yardımcısı Jozep Borrel Brüsselde Ukraina-AB 22-nci Toplaşuvı çerçivesinde körüştiler. Körüşüv iştirakçileri qanunsız Qırım işğalini takbih etmege devam etkenlerini hatırlattılar ve RF-nı bütün ukrain siyasiy mabuslarını ve şu cümleden qırımtatar fallcilerni azat etmege çağırdılar.