Qırımtatar Maaliy Merkezi

Haberler

20.10.2020

''Donbasta barışıq ve Qırımnı işğalden azat etüv - menim ilk nevbetteki vazifelerim'' - Zelenskıy

Salı künü, ekim ayınıñ 20-da, Ukraina Prezidenti Volodımır Zelenskıy Ukraina Yuqarı Şurasındaki çıqışı esnasında Donbasta barışıq ve Qırımnı işğalden azat etüv onıñ ilk nevbetteki vazifeleri olğanını qayd etti. Yarımadada yaşağan ukrainalılar ve qırımtatarlar muntazam sürette taqip etilir eken, bütün dünya Qırım aqqında unutmamalıdır.

20.10.2020

İşğalciler Qırımda qanunsız alda qazmalar keçireler

İşğal etilgen Qırımda Rusiye ilimler akademiyası terkibindeki Atiqiyat institutınıñ ''müdiri'' Vadım Maykonıñ haber etkenine köre, Qaçan (Novomıkolayivka) köyü yanında suv tesisatı qurulğan arada qadimiy Aci-El mesken yeriniñ qalıntıları bulundı.

19.10.2020

"Türkiye işançlı ortağı sıfatındaki Rusiyeni coya bile'' - Gempel

''İşğal etilgen Qırımda halq ögüngeki diplomatiya ve halqara munasebetler boyunca parlament komitetiniñ ''reisi'' Yuriy Gempelniñ qayd etkenine köre, Qırım platformasında iştirak etecek Türkiye ortağı sıfatındaki Rusiyeni ve rusiyeli turistlerni coya bile. Bu aqta ''RİA Novosti'' agentligi haber ete.

19.10.2020

Siyasiy mabus Filatov RF koloniyasına avuştırıldı

''Yehova şaatları'' teşkilâtında iştirak etkeni içün umumiy rejimli koloniyada 6 yılğa ve bir yıl müddetine azatlıqtan marum etilgen siyasiy mabus Sergiy Filatov Rostov vilâyetiniñ Kamensk-Şahtınskıy şeerindeki koloniyağa avuştırıldı.

19.10.2020

Yaponiya qanunsız Qırım ilhaqını iç bir vaqıt tanımaz

Yaponiyanıñ Ukrainadaki Eliçisi Takaşi Kurai ''Ukrinform'' haber agentligine bergen intervyusında Yaponiya ükümetiniñ qanunsız Qırım ilhaqına dair mevamı açıq-aydın ve deñişmez olğanını qayd etti. Yaponiya Ukrainanıñ topraq bütünligine ve egemenligine qol tutmağa devam ete.

16.10.2020

Türkiye Cumhuriyeti Qırım platforması çerçivesindeki işbirlik teklifini alğışlay - Erdoğan

Türkiye Cumhuriyeti Ukrainanıñ halqara cemiyet tarafından tanılğan sıñırları çerçivesindeki egemenligine ve topraq bütünligine qol tutqanını bir kere daa qayd etip, Qırım platforması çerçivesinde faal işbirlikte bulunacağında eminlik bildirdi. Bu aqta Ukraina Prezidenti Volodımır Zelenskıy ile Türkiye Prezidenti Recep Tayıp Erdoğannıñ umumiy beyanatında haber etile.

16.10.2020

Zelenskıy Meclisniñ Qırım platformasına qoşulacağına ümüt ete

Ukraina Prezidenti Volodımır Zelenskıy ''Demirören'' Türk haber agentliginde bergen intervyusında Qırımnı eñ yaqın vaqıtta Ukrainanıñ nezareti altında qaytarmaq niyetinen Meclisniñ ve Türkiye Cumhuriyetiniñ Qırım platformasına qoşulacağına ümüt etkeni aqqında haber etti.

16.10.2020

Denisova halqara cemiyetke qırmtatarlarnıñ aq-uquqları bozulğanı aqqında ikâye etti

Cumaaqşamı künü, ekim ayınıñ 15-de Ukraina Yuqarı Şurasınıñ insan aqları boyunca Vekâletlisi Lüdmila Denisova ayırımcılıq etmeme ve teñlik meseleleri boyunca AŞPA komitetinde çıqışta bulundı. Denisova halqara cemiyetke işğal etilgen Qırımda qırmtatarlarnıñ aq-uquqları bozulğanı aqqında ikâye etti. Bu aqta müessiseniñ matbuat hızmeti haber ete.