ABD Devlet departamentiniñ matbuat kâtibi Morgan Ortagus, Qırımnıñ devam etken arbiyleştirilmesi umumiy havfsızlıq içün telükeler yaratqanını qayd etip, RF-dan ordusına çağıruv kampaniyasını deral toqtatmağa talap etti. Bu aqta o, Twitterdeki saifesinde haber etti.
Salı künü, ekim ayınıñ 20-de, Soçi şeeriniñ umumiy yurisdiktsiya üçünci istinaf mahkemesi, Aqmescitteki ekinci "Hizb ut-Tahrir davasınıñ" iştirakçisi Remzi Bekirovnıñ müddet uzatıluvına dair istinaf şikâyetini red etti.
Ekim ayı 20 kününiñ sabası itibarınen vaqtınca işğal etilgen Qırımda ve Aqyar şeerinde tacmarazğa daa 213 kişi oğrağan. Ağımdaki yılnıñ başından berli Qırımda 9023 kişiniñ bu hastalıqqa oğrağanı aqqında bellidir.
Salı künü, ekim ayınıñ 20-da, Ukraina Prezidenti Volodımır Zelenskıy Ukraina Yuqarı Şurasındaki çıqışı esnasında Donbasta barışıq ve Qırımnı işğalden azat etüv onıñ ilk nevbetteki vazifeleri olğanını qayd etti. Yarımadada yaşağan ukrainalılar ve qırımtatarlar muntazam sürette taqip etilir eken, bütün dünya Qırım aqqında unutmamalıdır.
16-dan 18 yılğace azatlıqtan marum etilmeleri talap etilgen Qurmandaki «Hizb ut-Tahrir davasınıñ» iştirakçileri munaqaşalar devamında olarğa qarşı bütün qabaatlavlar uydurma ve qanunsız olğanını bildirdiler. Bu aqta ''Qırım birdemligi'' haber ete.
İşğal etilgen Qırımda Rusiye ilimler akademiyası terkibindeki Atiqiyat institutınıñ ''müdiri'' Vadım Maykonıñ haber etkenine köre, Qaçan (Novomıkolayivka) köyü yanında suv tesisatı qurulğan arada qadimiy Aci-El mesken yeriniñ qalıntıları bulundı.
Rusiyeniñ İsviçredeki Elçihanesi Keriç köprisiniñ quruluvı sebebinden individual sanktsiyalarğa İşviçreniñ qoşulğanını qattı sürette takbih etti. Müessisede Qırımnıñ Ukraina tarafından suv tosmenine tutulğanı qabul etilmeycegini qayd ettiler.
RF Baş naziri Mıhaylo Mişustin yardımcılarınen muşaveresi esnasında Rusiye ''Qırımnı işançlı şekilde suv ile temin etüv planını'' azırlağanını ve onıñ yerine ketirilmesi içün 50 milliard ruble ayırmağa azır olğanını qayd etti. Bu aqta TASS haber agentligi haber etti.
''İşğal etilgen Qırımda halq ögüngeki diplomatiya ve halqara munasebetler boyunca parlament komitetiniñ ''reisi'' Yuriy Gempelniñ qayd etkenine köre, Qırım platformasında iştirak etecek Türkiye ortağı sıfatındaki Rusiyeni ve rusiyeli turistlerni coya bile. Bu aqta ''RİA Novosti'' agentligi haber ete.
Bazarertesi künü, ekim ayınıñ 19-da, ''devlet qabaatlavı'' Qurmandaki «Hizb ut-Tahrir davasınıñ» iştirakçileri Esjender Abdulganiyev, Rustem Emiruseyinov ve Arsen Abhayirovnıñ 16-dan 18 yılğace azatlıqtan marum etilmelerini istedi.
Ekim ayı 12 kününiñ sabası itibarınen vaqtınca işğal etilgen Qırımda ve Aqyar şeerinde tacmarazğa daa 212 kişi oğrağan. Ağımdaki yılnıñ başından berli Qırımda 8810 kişiniñ bu hastalıqqa oğrağanı aqqında bellidir.
''Yehova şaatları'' teşkilâtında iştirak etkeni içün umumiy rejimli koloniyada 6 yılğa ve bir yıl müddetine azatlıqtan marum etilgen siyasiy mabus Sergiy Filatov Rostov vilâyetiniñ Kamensk-Şahtınskıy şeerindeki koloniyağa avuştırıldı.
Yaponiyanıñ Ukrainadaki Eliçisi Takaşi Kurai ''Ukrinform'' haber agentligine bergen intervyusında Yaponiya ükümetiniñ qanunsız Qırım ilhaqına dair mevamı açıq-aydın ve deñişmez olğanını qayd etti. Yaponiya Ukrainanıñ topraq bütünligine ve egemenligine qol tutmağa devam ete.
İşğal etilgen Qırımda arman ayınıñ 19-da yaqalanğan siyasiy mabus Ablâmitov tevqifhanede mahkemeniñ protsesual qararı ya da bir-de-bir esası olmadan tutulmağa devam ete, onıñ yaqalanuv müddeti ise ekim ayınıñ 17-de yekünlendi. Bu aqta abulqat Ayder Azamatov öz Facebook saifesinde haber ete.
Türkiye Cumhuriyeti Ukrainanıñ halqara cemiyet tarafından tanılğan sıñırları çerçivesindeki egemenligine ve topraq bütünligine qol tutqanını bir kere daa qayd etip, Qırım platforması çerçivesinde faal işbirlikte bulunacağında eminlik bildirdi. Bu aqta Ukraina Prezidenti Volodımır Zelenskıy ile Türkiye Prezidenti Recep Tayıp Erdoğannıñ umumiy beyanatında haber etile.
Ukraina Prezidenti Volodımır Zelenskıy ''Demirören'' Türk haber agentliginde bergen intervyusında Qırımnı eñ yaqın vaqıtta Ukrainanıñ nezareti altında qaytarmaq niyetinen Meclisniñ ve Türkiye Cumhuriyetiniñ Qırım platformasına qoşulacağına ümüt etkeni aqqında haber etti.
Avropa parlamentiniñ deputatları ukrain siyasiy mabusları Yevgen Karakaşev, Sergiy Filatov, Osman Arifmemetov ve Remzi Bekirovğa qoltutuv mektüplerini yazdı. Bu aqta ''Çehiya pirat fırqasınıñ'' azası Marketa Gregorova öz Facebook saifesinde haber etti.
Cuma künü, ekim ayınıñ 16-da, RF mahkemesi Ukraina tarafdarı faalci Oleg Prıhodkonıñ mudafaası tarafından apis müddeti uzatılmasına dair berlilgen şikâyetni red etti. Prıhodko 2020 senesiniñ boş ayına qadar tevqifhanede qalacaqtır.
Avropa Şurası Qırım sakinleriniñ qanunsız şekilde Rusiye ordusına çağırılmasını takbih etti, çünki bu ğayretler Ukrainanıñ topraq bütünliginiñ ve egemenliginiñ bozulmasına hızmet ete. Mütenasip beyanat Avropa Birliginiñ Internet saifesinde derc etildi.
Cumaaqşamı künü, ekim ayınıñ 15-de Ukraina Yuqarı Şurasınıñ insan aqları boyunca Vekâletlisi Lüdmila Denisova ayırımcılıq etmeme ve teñlik meseleleri boyunca AŞPA komitetinde çıqışta bulundı. Denisova halqara cemiyetke işğal etilgen Qırımda qırmtatarlarnıñ aq-uquqları bozulğanı aqqında ikâye etti. Bu aqta müessiseniñ matbuat hızmeti haber ete.