Qırımtatar Maaliy Merkezi

Haberler

26.10.2020

''Qırımda suvnı tuzdan temizletüv ekologik felâketke ketire bile'' - yarımadada yaşağan ekspert

V.I. Vernadskiy adına Qırım federal universitetindeki suv ile temin etüv, drenaj ve sanitar tesisatları kafedrasınıñ ''müdiri'' İlya Nikolenko işğal etilgen Qırımda suvnı tuzdan temizletüv ekologik felâketke ketire bilecegini qayd etti, çünki neticede büyük miqdarda çıqacaq tuzlı qalımtılar nasıl yoq etilecegi al-azırda belli degil. Bu aqta ''RİA Novosti Krım'' haber ete.

26.10.2020

Siyasiy mabus Bektemirov sağlıq vaziyetine şikâyet ete

Soñki ''Hizb ut-Tahrir davasınıñ'' iştirakçisi Vadım Bektemirov sağlıq vaziyetine şikâyet ete. Aşqazanı ağıra, bundan ğayrı o, tiş ekiminiñ yardımına muhtaç. Amma SİZO memuriyeti siyasiy mabusnıñ şikâyetlerini körmemezlikke urmaqta. Bu aqta ''Qırım birdemligi'' haber ete.

23.10.2020

''Qırımnı suv ile temin etüv yalıñız Qırım işalden azat etilgen soñ ğayrıdan tiklene bile'' - Tsımbalük

Cumaaqşamı künü, ekim ayınıñ 22-da Viyanada Ukrainanıñ halqara teşkilâtlarda daimiy temsilcisi Yevgen Tsımbalük AHİT Daimiy şurasınıñ oturuşuvı esnasında Ukraina Rusiyeniñ arbiy-sanayı kompleksiniñ suv ihtiyaclarını qanaatlendirmeycegini ve yarımadanı yalıñız işğalden azat etilgen soñ suv ile teminleycegini qayd etti. Bu aqta müessiseniñ matbuat hızmeti haber ete.

23.10.2020

Kanada Ukrainanıñ eñ yaqın tarafdarı olmağa devam ete - KUK

Cumaaqşamı künü, ekim ayınıñ 22-de, Kanada Ukrainalıları Kongresiniñ prezidenti Oleksandra Hıçiy Kanada çetel işler Naziri Fransua-Filip Şampan ile körüşti. Körüşüv iştirakçileri Ukrainağa qol tutqanlarını bir kere daa qayd etip, RF qarşı sanktsion siyasetiniñ müimligini muzakere ettiler.

22.10.2020

QMM Sloveniya Elçisinen kelecekteki işbirlik çerçivesinde bir sıra teşebbüslerini muzakere etti

Cumaaqşamı, ekim ayınıñ 22-de, Qırımtatar Maaliy Merkeziniñ temsilcileri Sloveniyanıñ Ukrainada ataşesi Denis Kuranoviç ile körüştiler. Diplomatqa Qırımda insan aqlarınıñ bozuluvı ve qırımtatar halqınıñ sürgün etilmesi aqqında ikâye etildi ve yarımadanıñ işğal etilmesi neticesinde reinelerge çevirilgen 20 qırımtatar horantanıñ taqdirini tasvir etken ''İşğalniñ reineleri'' adlı albom taqdim etildi. Taraflar kelecekteki işbirlik çerçivesinde bir sıra teşebbüslerini ve ğayelerini muzakere ettiler.

22.10.2020

Tilşınaslar "Hizb ut-Tahrir davası" iştirakçisileriniñ subetlerinde zorbalıq areketlerni yapmaq çağıruvlarını tapamadılar

Cumaaqşamı künü, ekim ayınıñ 22-de, Rostov-na-Donu Cenübiy bölge arbiy mahkemesinde Aluştadaki "Hizb ut-Tahrir davası” boyunca keçirilgen mahkeme oturuşuvı esnasında ses vesiqalarını tedqiq etken tilşınaslar milletlerara duşmanlıqqa ve zorbalıq areketlerine çağıruvlar tapamağanları aqqında bildirdiler. Bu aqta ''Qırım birdemligi'' haber ete.

21.10.2020

Ukraina ''Qırım platformasınıñ'' nevbetteki basamağına keçe

Salı künü, ekim ayınıñ 20-de Ukraina çetel işler Naziriniñ birinci muavini Emine Caparova Avropa Birliginiñ Ukrainadaki Elçisi Matti Maasikasnen körüşip, ''Qırım platformasınıñ'' nevbetteki basamağı başlanğanını ilân etti. Bu aqta müessiseniñ matbuat hızmeti haber ete.