Qırımtatar Maaliy Merkezi

Haberler

30.10.2020

Ukraina UNESCOnı işğal etilgen Qırımdaki vaziyetniñ nezaret etilmesini devam etmege çağırdı

Cumaaqşamı künü, ekim ayınıñ 29-de, işğal etilgen Qırımdaki vaziyetke bağışlanğan 11-nci haber etüv toplaşuvı olıp keçti, bu toplaşuv sırasında Ukraina teşkilâtqa yarımadadaki vaziyet beterleşkeni aqqında haber etti ve Qırım sakinleriniñ aq-uquqlarınıñ bozulmasını faal şekilde toqtamayıp nezaret etmege çağırdı. Bu aqta Ukraina çetel işler Nazirliginiñ matbuat hızmeti haber ete.

30.10.2020

''Moskova Ukraina şarqını ve Qırımnı terk etmeli'' - Gilmor

Cumaaqşamı künü, ekim ayınıñ 29-de, Amerika Birleşken Devletleriniñ AHİT-da Daimiy Temsilcisi Ceyms Gilmor AHİT Daimiy şurasınıñ Viyanadaki oturuşuvı esnasında RF-nı Qırımnı ve Ukraina şarqını terk etmege ve yarımadada çoq yıllar devamında alıp barğan cezalav siyasetini toqtatmağa çağırdı.

28.10.2020

İşğalciler Qırımda yañı suv ağını keçireler

İşğal etilgen Qırımda qurucılıq ve mimarcılıq nazirliginiñ ''başlığı'' Mıhaylo Hramov Belogorsk rayonında Beşterek-Zuyskiy suv ağınıñ keçirilmesi içün azırlıq işlerniñ yapılğanını bildirdi. Bu aqta müessiseniñ matbuat hızmeti haber ete.

28.10.2020

"Hizb ut-Tahrir davasınıñ" iştirakçisi Refat Alimov 29-yıllığını tevqifhanede qayd ete

Çarşembe künü, ekim ayınıñ 28-de, siyasiy mabus, "Hizb ut-Tahrir davasınıñ" iştirakçisi Refat Alimov 29 yaşnı toldurdı. Yarımadanıñ işğalci akimiyeti başqa ''dava'' iştirakçilernen beraber onı qanunsız şekilde FSB qıynav odalarına qapatqanı içün, beşinci doğğan kününi tevqifhanede qayd etmege mecbur. Qırımtatar Maaliy Merkeziniñ hadimleri can-göñülden Refat Alimovnı doğğan kününen hayırlay! Oña apishaneden eñ tez vaqıtta azat etilmege, qorantasına qavusmağa, qaviy sağlıq, sabır, sarsılmaz irade ve amanlıq tileymiz!

27.10.2020

QMM Ukraina şarqındaki arbiylerge gumanitar yardımını yolladı

Qırımtatar Maaliy Merkezi Ukraina şarqındaki cebede bulunğan ukrain askerlerge ve şu cümleden qırımtatarlarğa gumanitar yardım toplamaq maqsadınen ''Qırım ğazı'' adlı qırımtatar cenk iştirakçileri arbiy-vatanperver teşkilâtınıñ teşebbüsine qoşuldı. Bundan ğayrı, QMM işbu teşkilât ile kelecekte işbirlik imkâniyetini muzakere etti.

27.10.2020

İşğal etilgen Qırımda yañı arbiy qısımnı qurdılar

Salı künü, ekim ayınıñ 27-de, işğal etilgen Qırımnıñ parlament başlığı Vladimir Konstantınov Aqmescit civarındaki Anğara (Perevalne) köyünde yañı arbiy qısım qurulğanını, Konstantınovnıñ özü işbu arbiy qısımdaki tanknıñ içinde oturıp çıqqanını haber etti.

27.10.2020

ABD Qırım platformasınıñ teşkil etilmesi üzerinde çalışmağa azırdır

Bazarertesi künü, ekim ayınıñ 26-da, Ukraina çetel işler Naziriniñ birinci muavini Emine Caparova Ukrainada ABD meseleleri boyunca vaqtınca vekâletli Kristina Kvin ile körüşti, ABD temsilcisi, onıñ devleti Qırım platformasınıñ teşkil etilmesi üzerinde çalışmağa azır olğanını qayd etti, çünki işğal etilgen Qırımğa dair mevamı deñişmey qala.