Qırımtatar Maaliy Merkezi

Haberler

02.12.2020

QMM ''Qırım platforması'' ve Qırım boyunca başqa muzakere etüv ceryanlar aqqında qonuşmağa davet ete

Cuma künü, ilk qış ayınıñ 4-de Qırımtatar Maaliy Merkezi "Fridrih Naumann adına Azatlıq fondunıñ" Ukrainada vekilliginiñ qol tutuvı ile Qırım munaqaşalar klubınıñ XVII toplaşuvını ötkerecek. «''Qırım platforması'' ve Qırım boyunca başqa muzakere etüv ceryanlar» mevzusında vebinar Zoom platformasında ve Qırımtatar Maaliy Merkeziniñ Facebooktaki saifesinde keçirilecek. Faal iştirak etmege davet etemiz!

02.12.2020

İşğal etilgen Qırımdaki ''prokuror'' Lenur İslâmovnı 19 yılğa azatlıqtan marum etmege teklif etti

Çarşembe künü, ilk qış ayınıñ 2-de, işğal etilgen Qırımdaki yuqarı ''mahkemede'' qırımtatar ''ATR'' telekanalınıñ saibi Lenur İslâmovğa qarşı açılğan dava boyunca ''mahkeme taqiqatı'' bitti. ''Pokuror'' Roman Lobov, yaqalanğan ya da Rusiyege zorbalıqnen ketirilgen soñ, İslâmovnı 19 yılğa azatlıqtan marum etip, 2 yıl devamında informatsion faaliyetinen oğraşmaqnı yasaq etmege teklif etti. Bu aqta ''Qırım ceryanı'' haber ete.

02.12.2020

Qırımda tacmaraz salğını sebebinden yaqalavlar eksildi - Bariyev

Qırımtatar Maaliy Merkezi idaresiniñ yolbaşçısı, Qırımtatar Milliy Meclisniñ azası Eskender Bariyev ''Apostrof TV'' matbuat vastasına bergen intervyusında işğal etilgen Qırımda insan aqları saasındaki vaziyetni tarif eter eken, işğal etilgen yarımadada tintüv ile yaqalavlarnıñ sayısı tacmaraz salğını sebebinden eki kere eksilgenini qayd etti.

01.12.2020

İşğal etilgen Qırımdaki havuzlarda suv miqdarı eksilmege devam ete

İşğal etilgen Qırımdaki havuzlarda suv miqdarı eksilmege devam etmekte: qış başında suvnıñ umumiy miqdarı 36.672 mln metr kubnı teşkil etti, keçken ayğa köre ise bu miqdar 7.157 mln metr kubqa azlaştı. Bu aqta işğal etilgen yarımadanıñ sözde ''Gidrometmerkezi'' haber etti.

30.11.2020

İşğal etilgen Qırım topraqlarında ekologik-iklimiy nezaret etüvniñ neticeleri

Diqqatıñızğa Qırımtatar Maaliy Merkeziniñ yanında Qırımda etraftaki müitni qorçalav ve turğun inkişaf etüv boyunca Ekspertler Şurasınıñ Qırım yarımadasında gidrometeorolog közetüvler ağınıñ vaziyetini ve işbu közetüvlerge dair malümatlarnıñ irişilir olmasını talil etken tedqiqat taqdim etile. Şu cümleden, tedqiqatqa Qırım topraqlarındaki meteorologik noqtalarnıñ faaliyeti talil etildi, halqara gidrometeorologik teşkilâtlarınen işbirlik, işbu közetüvlerniñ halqara ağına teslim etüv aqqında malümat toplandı, kâinattan yapılğan resimler yardımınen çeşit türlü ekosistemalarda ve avada yüz bergen deñişmeler talil etildi (etraf müitniñ satellit vastasınen uzaqtan nezaret etüv yapıldı).

30.11.2020

2020 senesi devamında Qırım siyasiy mabuslarınıñ saqlıq aqları ziyade bozula - QMM

2020 senesiniñ 9 ayı devamında fizikiy ve ruhiy sağlığınıñ eñ yüksek seviyesine irişe bilüv aqqınıñ bozuluvı ile bağlı 112 adise qayd etildi, olardan 91 qırımtatarlarnen bağlı edi. İşbu köstergiç evelki yıllarğa köre arttı: 2019 senesiniñ aynı devirinde 90 adise, 2018 senesi ise 40 adise qayd etildi. Bu aqta 2020 senesiniñ 9 ayı devamında yüz bergen insan aqlarınıñ bozuluvları boyunca Qırımtatar Maaliy Merkezi tarafından azırlanğan esabatta haber etile.

29.11.2020

QMM qırımtatarlar halq ögünde keçirecek diplomatiya Akademiyasından yañı mezunlarını çıqardı

Bazar künü, boş aynıñ 29-da, Qırımtatar Maaliy Merkezi "Fridrih Naumann adına Azatlıq fondunıñ" Ukrainada vekilliginiñ qol tutuvı ile Qırımtatarlar halq ögünde keçirecek diplomatiya IV Akademiyasınıñ yekünleyici 6-ncı sessiyasını keçirdi. Soñki sessiya çerçivesinde Akademiya diñleyicileri levhalarnı yaratuv üzerinde çalışmağa devam ettiler ve halq ögünde çıqışlarğa azırlanuvnıñ hususiyetlerini amelde pekittiler.

28.11.2020

Qırımtatarlar halq ögünde keçirecek diplomatiya Akademiyasınıñ faalleri yaratıcı levhalar içün ğayeler üzerinde çalışalar

Cumaertesi künü, boş aynıñ 28-de, Qırımtatar Maaliy Merkezi "Fridrih Naumann adına Azatlıq fondunıñ" Ukrainada vekilliginiñ qol tutuvı ile Qırımtatarlar halq ögünde keçirecek diplomatiya IV Akademiyasınıñ 5-nci sessiyasını keçirdi. Sessiya çerçivesinde kelecekte halq ögündeki diplomatlar halqara haber etüv leyhalarında körgezmeli til ile dizaynnıñ rölü ve halq ögünde çıqışlar sanatınen tanış oldı.