Qırımtatar Maaliy Merkezi

Haberler

10.11.2020

QMM Danimarka elçihanesini vaqtınca işğal etilgen Qırımdaki vaziyet aqqında haberdar etti

Bazartesi künü, boş aynıñ 9-da, Qırımtatar Maaliy Merkeziniñ temsilcileri Danimarka Qırallığınıñ Ukrainada Fevqulâde ve Tolu Vekâletli Elçisi Ole Egberg Mikkelsen ile körüştiler. Diplomatqa işğal etilgen Qırımdaki insan aqlarınıñ bozuluvı ve qırımtatar halqınıñ sürgün etilmesi aqqında malümatlar berildi, ''İşğalniñ reineleri'' serlevalı albom taqdim etildi. Bundan ğayrı, taraflar bir sıra tedbirlerni beraberlikte keçirmege añlaştılar.

10.11.2020

''Sınavdan ürmetke lâyıq şekilde keçe'' - siyasiy mabus Marlen Asanovnıñ ömür arqadaşı

Bahçisaraydaki ''Hizb ut-Tahrir davasınıñ” iştirakçisi Marlen Asanov ükümi çıqarılğan soñ ilk kere ömür arqadaşınen körüşip oldı. Siyasiy mabus iç bir şeyge şikâyet etmeyip ''sınavdan ürmetke lâyıq şekilde keçe''. Bu aqta Qırımtatar Maaliy Merkezine şahsen Ayşe Asanova bildirdi. Apishanege kelgen soñ Marlen Asanovdan Qoran tercimesini tutıp alğanlar ve ale daa qaytarmağanlar.

08.11.2020

«İşğal etilgen Qırımnıñ uquqiy müiti»: QMM Qırım munaqaşalar klubında iştirak etmege davet ete

Cuma künü, boş aynıñ 13-de, Qırımtatar Maaliy Merkezi "Fridrih Naumann Azatlıq fondunıñ" Ukrainada vekilligi yardımınen Qırım munaqaşalar klubınıñ XVI toplaşuvını ötkerecek. «İşğal etilgen Qırımnıñ uquqiy müiti» mevzusındaki vebinar Zoom platformasında ve Qırımtatar Maaliy Merkeziniñ Facebooktaki saifesinde keçirilecek. Faal iştirak etmege davet etemiz!

06.11.2020

QMM ve Litva elçihanesi kelecekteki işbirlik aqqında añlaştılar

Cumaaqşamı künü, boş aynıñ 5-de, Qırımtatar Maaliy Merkeziniñ temsilcileri Litva Cumhuriyetiniñ Ukrainada Elçisi Valdemars Sarapinas ile körüştiler. Körüşüv iştirakçileri vaqtınca işğal etilgen Qırımdaki vaziyetni muzakere etip, QMM faaliyetiniñ esas yönelişlerini taqdim ettiler, bundan ğayrı, taraflar bir sıra tedbirlerni beraberlikte keçirmege añlaştılar.

05.11.2020

İşğalciler Qırımda nevbetteki arbiy talimatlarını keçirdiler

Cumaaqşamı künü, boş aynıñ 5-de, koronavurus hastalığınıñ darqalğanına baqmadan, işğalciler vaqtınca işğal etilgen Qırımda nevbetteki arbiy talimatlarını keçirip, avadan ücümge ve şartlı diversantlarnıñ ücümlerine qarşılıq kösterdiler. Bu aqta Qaradeñiz flotunıñ matbuat hızmeti haber ete.

05.11.2020

''İşğalciler basqısını arttıra'', - dep izaatlay Qurmandaki «Hizb ut-Tahrir davasınıñ» iştirakçilerine çıqarılğan ükümlerni Eskender Bariyev

Qırımtatar Maaliy Merkezi idaresiniñ yolbaşçısı, Qırımtatar Milliy Meclisniñ azası Eskender Bariyev ''ATR'' telekenalında çıqışta bulunıp, Qurmandaki «Hizb ut-Tahrir davasınıñ» iştirakçilerine çıqarılğan ükümlerni izaatlar eken, işğalciler basqısını arttırğanını ve atta işğalci mahkemelerniñ qararlarında şaraitlerini sertleştirgenlerini qayd etti.