Qırımtatar Maaliy Merkezi
+38 (067) 343 74 54   +38 (044) 489 61 25

NATO parlament assambleyası Qırım platformasına destek rezolütsıyasını qabul etti

22.11.2022

NATO parlament assambleyası Madrid sammitiniñ neticelerine binaen «Fit For Purpose In The New Strategic Era» rezolütsıyasını qabul etti. Vesiqanıñ maddelerinden biri Alyans aza-ülkelerini ‘Halqara Qırım paltforması’nıñ işine destek köstermek, onı Parlament sammitine Qırım yarımadasınıñ deokkupatsıyasına doğrultılğan ğayretlerniñ birleştirme vastası olaraq kirsetmege çağıra.

 

Bu aqta Ukrainada NATO daimiy delegatsıyasınıñ başı Yegor Çernev bildirdi.

‘İşbu rezolütsıyanı qabul etüv-mühim siyasiy adımlarından biri olaraq, ğarbiy parlament dairelerindeki mühitni aks ete ve ülkelerniñ yolbaşçılarına qarar bermelerinde tesir ete. Şundan da ğayrı, tribunal peyda etüv, reparatsıyalarnı tölev, Rusiyeni terror devleti olaraq qabul olunması boyunca ukrain mevamı eñ yüksek halqara meydanlarında esas yer alğanı quvandıra’.

Rezolütsıya NATO aza-ülkeleriniñ hakimiyet ve parlamnetlerine yollanılacaq. Ukrain delegatsıyasınıñ teşebbüsi ile vesiqada Ukraina destegi printsipi de belgilengen.