Qırımtatar Maaliy Merkezi
+38 (067) 343 74 54   +38 (044) 489 61 25

Meclis qırımlılarnı qanunsız seferberlikke qarşı çıqmağa çağıra

23.09.2022

Qırımtatar Milliy Meclisi Qırım sakinlerine muracaat eterek, rus işğalcı hakimiyeti tarafından yapılğan halqara harbiy cinayet-Qırım sakinleriniñ seferberligine qarşı çıqmağa çağırdı.

 

Qırımtatar Milliy Meclisi  Qırım sakinlerine muracaatta buluna:

1.     Rus işğalcı hakimiyetiniñ qanunsız cinayet seferberligine qarşı çıqmaq

2.     Rus ordusına qanunsız seferberlikke qarşı bütünqırım narazılıqnıñ keçirme yeri olaraq Aqmescitteki merkeziy meydanını belgilemek.

3.     İşğal etilgen Qırım sakinlerini rus ordusına qanunsız seferberlikke qarşı Aqmescit merkeziy meydanında nevbetteki kün ve vaqıtta narazılıq aktsıyasını başlamağa:

-rahatlıq künleri(cumaertesi, bazar)- saat 12;

-iş künleri- saat 17

4 rus işğalcı hakimiyet zorbalıq, yalan ile seferberlikke keçirgen ve daha çağıracaq sakinlerni rus ordusında hızmet etmekni nevbetteki sebeplerden dolayı qatiyen inkãr etmek:

-Ukrain vatandaşlığı olğanı içün,

-halqara harbiy cinayetniñ ortağı olmamaq içün,

-öz devlet-Ukrainağa qarı cinayetlerde iştirak etmemek içün.

5. İşğal etilgen Qırımda Ukraina vatandaşlarından biri çıqış yollarını tapmaq imkãnsızlığından rus ordusı saflarına tüşse, eñ yaqın zamanda esir olmaq ve Ukraina silãhlı küçlerine keçmege çağıra.

 ‘Qırım sakinleri rus işğalcıları tarafından yapılğan bu halqara cinayetniñ ortağı olmamaq kerek, olamaz da. Rus ordusına hızmetke davetni red etkende köstergen cesürligiñiz öz menligiñiz, şerefiñizni saqlap, cemiyetke hürmetiñizni kösterir ve Qırımnı rus işğalcılarından azat etüvinde isseñiz olaraq tanılır’,- denile beyanatta.