Qırımtatar Maaliy Merkezi
+38 (067) 343 74 54   +38 (044) 489 61 25

QRM UHK içün dron satın almağa yardım etti

16.09.2022

Cenk her bir ukrainniñ hayatını pek deñiştirdi. Barışıq ve tınç ömürni qaytarmaq esas maqsadımız olıp qaldı. Şunıñ içün de bütün küçlerimizni ğalebemizge sarf etemiz.

 

Bu sefer de QRM çette qalmayıp, Mavic 3 dron almasına yardımcı oldı. Dron aerorazvedka bölügine teslim etildi.

Şunı qayd etmelimiz ki, Mavic 3 -  DJI kompaniyasınıñ eñ yañı modellerden biri sayılğan kommertsıya kvadrokopterdir. 200 metr mesafede deñişmelerni qayd ete bilgen bu cihaz istihbarat (razvedka) içün pek kelişe. Şunda da ğayrı, dronnıñ 4K formatında video çıqara bilgen kamerası ve gece çıqarmağa imkãn bergen teplovizorı bar.

Deookupatıyanı yaqınlaştırmaq içün elimizden kelgenini yapmaqtamız. Bu dron da ğalebemizge küçük bir issemiz olur.

Şubesiz ki, yardımıñız olmasaydı, bu işni beceremez edik. Her bir donat, yardımıñız içün pek minnetdarmız. Bütün bu paralar cihas alınması içün qullanıldı.

Destegiñiz sayesinde QRM faaliyetini devam ete ve ğalebemiz hep yaqınlaşa.

Eñ yaqın zamanda devletimizniñ territorial bütünligini tiklenecegimizge ümüt etemiz.