Qırımtatar Maaliy Merkezi
+38 (067) 343 74 54   +38 (044) 489 61 25

#LIBERATECRIMEA informatsion kampaniyası 32 milliondan ziyade adamnı qaplap aldı

15.09.2022

Cumaaqşamı künü, 15 sentãbrde ‘Ukrinform’ haber agentliginde QRM #LIBERATECRIMEA informatsion kampaniyasınıñ neticelerini aydınlattı. Mezkür kampaniya Ukraina ealisini işğal etilgen Qırımdaki vaziyetnen tanış etmege maqsadına hızmet etti.

Spikerler:

Eskender Bariyev- Qırımtatar resurs merkeziniñ reisi, qırımtatar Milliy Meclisi çetel işler ve huquq meseleleri boyunca idaresiniñ başı;

Tatyana Pordvornãk- QRM kommunikatsıya meneceri;

 Oksana Sahno- ‘Prisoyedinaysa!’ (‘Qoşul’) cemaat faaliyetine qoltutuv Programmasınıñ meneceri;

Andrey Yermolenko- ressam-karikaturcı.

2014 senesi Qırım işğalinen ukrain cemiyeti birleşmegence, işğalde bulunğan tamır halqnıñ, ondan da ğayrı haqlara cemiyetniñ faal destegi olmağance Qırımnı azat etmege imkãnsız olğanını añladıq. Bu maqsat ile qırımtatar halqı ile birdemlik ve Qırımnıñ deokkupatsıyası oğrunda #LIBERATECRIMEA halqara areketini başlattıq’, - añlattı Bariyev.

Faqat, Bariyev aytqanına köre, orta esapnen ukrainler Qırım Ukrainağa tabi olmağanına alışıp qalğanını körmege başladıq.

Şu sebepten, ukrain sakinlerini Qırım vaziyetinen haberdar etmek içün daima çalışmalı. Bunı közde tutaraq, QRM Qırımnen bağlı tarihiy künlerge dair #LIBERATECRIMEA informatsion kampaniyasını başlattı:

 26 fevral- Qırım işğaline qarşılıq kösterüv künü

18 mayıs- Qırımtatar sürgünlik qurbanlarını añma künü

26 iyün- Qırımtatar milliy bayraq künü

9 avgustta Halqara tamır halqlar künü’

Tatyana Podvornãk informatsion kampaniyanıñ neticelerini raqamlarnen aydınlattı:

-mevzulı testlerni 2091-den ziyade adam keçti;

-Içtimaiy ağlarda plakat ve infografikalar 2876 970 adamnı qaplap aldı;

-Facebook, Telegramm, Tvitterde aktsıyalarımızda 7412 adam iştirak etti;

-Plakatlar 439 bilbord ve sitilaytlarda yerleştirildi ve 22350822 adamnı qaplap aldı;

-belli ukrainler, şu cümleden Camala, Svãtoslav Vakarçuk, Taras Topolã, Sevgil Musayeva, Ahtem Seytablayevniñ iştiragınen videorolik taqdim etildi. Mezkür rolik 512 492 adamnı qaplap aldı.

- ‘Qırımım’ adlı video yarış keçirildi. Yarış haqqında haber 274 314 adamnı qaplap aldı, 5787 bağlandı, 14 adam iştirak etti.

 ‘Umumen şunı aytmaq mümkün ki, #LIBERATECRIMEA information kampaniyası 32 million ukrainni qaplap ala bildi. Bu qadar ukrain Qırım haqqında bilgilerini arttırdı, bu qadar ukrain faaliyetimizge qoşuldı’, - qayd etti o.

 Şundan da ğayrı, QRM mevamları ukrain siyasetçilerniñ ağzılarında bile seslendirildi. Misal olaraq Ukraina Prezidenti Vladimir Zelenskiy Qırım platformasında çıqışta bulunğanda QRM-niñ ‘Qırımda başlandı, Qırımda da bitecek’ ibaresini tekrarladı.

Şunı da qayd eteyik ki, leyha ‘Qoşul!’(‘Prisoyedinaysa!’) cemaat faaliyetine qoltutuv Programması tarafından desteklendi.

‘‘Qoşul!’(‘Prisoyedinaysa!’)programması QRM adaptirleme ustalığını qayd etmege ister edi. QRM qısqa bir vaqıt içinde öz informatsıon mahsulatını deokkupatıya, territorial bütünlik oğrunda deñiştire bildi ve neticede daha añlayışlı, körümli oldı. ‘Qoşul!’(‘Prisoyedinaysa!’) programması QRM tedbirlerini yüksek seviyede keçirdi degen fikirde’,- dep qoştı ‘Qoşul!’(‘Prisoyedinaysa!’) programmasınıñ temsilcisi Oksana Sahno.

Tedbirge ressam Andrey Yermolenko de qoşuldı. O, #LIBERATECRIMEA faallileriniñ ğayelerini amelge keçirmege yardım etip kelmekte.

‘İnformatsıon kampaniya tek Ukrainada degil de, bütün dünyada  pek ileri ketti, şunıñ içün de her bir rusiyeli Qırım vaqtınca işğal altında olsa da, Ukraina toprağı olğanını añlay. Kapmaniyağa yañı taze ğayelerni ketirgen adalar qoşulğanı pek sevindire. Adamlar her şey Qırımda başlap, Qırımda da biteceğini añlaylar. Qırım ve Donbassta bayrağımıznı kötersek, o vaqıt ğalip çıqarmız’,- qoştı o.

Hatırlatamız ki, QRM daha evel Ukraina ealisiniñ işğal etilgen Qırımdaki vaziyet haqqında bilgilerini arttırmaq maqsadınen yañı #LIBERATECRIMEA informatsıon kampaniyasını başlatqan edi.

Mezkür kapmaniyanen daha da tafsilãtlı nevbetteki sahifelerde tanış olmaq mümkün: https://www.ctrcenter.org/liberatecrimea/,

Facebook: https://www.facebook.com/liberatecrimea    

Telegramm: https://t.me/LIBERATECRIMEA