Qırımtatar Maaliy Merkezi
+38 (067) 343 74 54   +38 (044) 489 61 25

Kiyevde ‘Qırım-kelecekke nazar’ adlı Tesis Forum olıp keçecek

18.08.2022

Cuma künü, 19 avgustta saat 15.30 Kiyev şeher devlet memuriyetinde ‘Qırım-kelecekke nazar’ adlı Tesis Forum olıp keçecek.

Spikerler:

 Mustafa Cemilev- qırımtatar halq lideri, cemaat erbabı, huquqqoruyıcı, dissident areketiniñ iştirakçisi, sabıq siyasiy mahbüs, Ukraina halq deputatı;

İgor Kozlovskiy- alim, tarihçi, felsefeci, cemaat erbabı;

Eskender Bariyev - Qırımtatar resurs merkeziniñ reisi, qırımtatar Milliy Meclisi çetel işler ve huquq meseleleri boyunca idaresiniñ başı;

Refat Çubarov- siyaset, cemaat erbabı, qırımtatar Milliy Meclis reisi;

Gulnara Abdullayeva- istorik, jurnalist, telealıpbarıcı, cemaat erbabı;

Natalya Lütikova- cemaat erbabı, volontör, ‘Ösmürlerniñ nazarında işğal’ leyhasınıñ yolbaşçısı;

Vladimir Aryev - siyasiy, cemaat erbabı, jurnalist, Ukraina halq deputatı;

Yevgeniy Yejov - leyhalarnıñ baş mimarı;

Vladimir Baluh - faal cemaatçı, sabıq siyasiy mahbüs.

 Tedbir çerçivesinde Rusiye tarafından Qırım işğaliniñ neticeleri, yarımadanıñ kelecekte inkişafı muzakere etilecek.

Tedbirni Facebookta QRM sahifesinde seyir etmege mümkün olacaq- https://www.facebook.com/CTRC2015.