Qırımtatar Maaliy Merkezi
+38 (067) 343 74 54   +38 (044) 489 61 25

Qırım qoruyıcıları advokat statusınından mahrum qaldırıldı

03.08.2022

Çeçen Cumhurieytiniñ advokat palatası Lilã Gemeci, Rustem Kãmilev ve Nazim Şeyhmambetovnı advokat statusından mahrum qaldırdı. Olar artıq cinaiy davalarda öz müşterilerini qorçalap olamaycaqlar. Bu aqta ‘Qırım birdemligi’ haber etti.

‘Qarar Çeçen Cumhuriyeti boyunca yustitsıya nazirligi İdaresiniñ Çeçenistan advokat palatasına muracaatı esasında alındı. Biz mezkür palatanıñ advokatları edik. Demek ki, yustitsıya naziri zenaatımız boyunca çalışmamıznı yasaq etmege talap etti’,- dedi Nazim Şeyhmambetov.

Qayd etilgenine köre, qarar toplaşuv haqqında haber etmeden alındı. Advokat Lilã Gemici komissiya toplaşuvından bir kün evel haberdar etildi.

 ‘Qanun boyunca işimizni devam ete bilemiz. Tek cinaiy davalarğa dair sıñırlamalar bar. Amma biz Qırımda insanlarnı qorumağa devam etecekmiz’,- añlattı Şeyhmambetov.