Qırımtatar Maaliy Merkezi
+38 (067) 343 74 54   +38 (044) 489 61 25

‘Qırımım’ adlı aveskãr videoyarış

02.08.2022

QRM aveskãr videoyarışqa işlerni qabul etmesini toqtattı. Yarışnıñ ekinci basamağına keçemiz- rey berüv!

Hatırlatamız ki, ‘Qırımım’ aveskãr videoyarışınıñ maqsadı- ukrain cemiyetiniñ Ukrain territorial bütünliginiñ tiklenilmesi oğrunda küreşinde maneviy ruhunı, birligini kötermek, qırımtatar halqı ile birdemligini arttırmaq, Ukraina informatsıon alanında Qırımnı işğalden azat etüv meselesini desteklemek.

Yarışta iştirak etmek içün  ‘Qırımım’ mevzusında video çıqarmaq kerek edi. Videoda muellif öz duyğu, qasevet, obrazları menşurından Qırımnıñ mühiti, ruhu, ananeleri, medeneniyeti, özgünligi, ukrain cemiyeti içün ve şahsen özü içün qıymetini aks etmeli edi. Neticede, bir sıra meraqlı video aldıq ve sizge de olarnen aşağıdaki bağlandı boyunca tanış olmağa teklif etemiz.

 Endi ne olacaq?

Açıq rey berüv esnası 2 avgusttan-16 avgustqa qadar  Facebookta #LIBERATECRIMEA  sahifesinde devam etecek.

Dostlarıñıznı, tanışlarıñıznı öz videoñızğa rey bermelerini rica etiñiz. Eñ çoq begenilgen videolar ğalebe qazanacaqlar.

Hatırlatamız ki, hediyelerimiz(cep telefonı, blütüz qulaqlıqlar, selfi içün UFT tripod, futbolkalar) öz sahiplerini beklemekte.

Her kesge muvafaqiyetler tileymiz!

Eñ güzel video qazansın!