Qırımtatar Maaliy Merkezi
+38 (067) 343 74 54   +38 (044) 489 61 25

‘Eki bayraq- bir ğalebe’: QRM Qırımtatar milliy bayraq künü munasebeti ile furtuna kampaniyasını başlay

21.06.2022

QRM içtimaiy ağlarda Qırımtatar milliy bayraq künü munasebeti ile ‘furtuna’ kampaniyasını başlay. Pervasız olmağan her insannı, öz yurtunıñ sadıq vatandaşını bizge qoşulmağa davet etemiz.

2014 senesi Rusiye Qırımnı işğal etken soñra qırımtatarlar öz ukraintaraflı mevamları sebebinden repressiyalar altında qaldılar. Yaqalama, tutuqlama, sorğular, öldürüv- bunlar hepisi tamır halqnıñ başına keldi. Böyle şartlarda qırımtatar bayrağı tek qırımtatarlar içün degil de, bütün Ukraina içün Qırım oğrunda küreş timsali olıp qaldı. Tamır halqnıñ öz serbestligi, haqları oğrunda boysunmağanlarınıñ timsalidir.

 Al-azırda ise, Ukraina içün bu qadar zor zamanlarda, rusiye-ukrain cenki şaraitlerinde  küreşimizni birlikte devam etmelimiz. Ukrain ve qırımtatar halqlarınıñ bayraq tüslerinden ğayrı aynı maqsadları da bar- serbest, bütün, mustaqil Ukraina!

Ğalebege doğru hep birlikte!

Eki bayraq- bir ğalebe furtunasına qoşulıñız! Duşmanımız ve bütün dünyağa birlikte küreşmege devam etkenimizni numayış eteyik.

 Kampaniyamızğa qoşulmaq içün içtimaiy ağlarda sahifelerimizge bağlantı ile keçiñiz.

 Facebook: https://www.facebook.com/CTRC2015 https://www.facebook.com/liberatecrimea

Twitter: https://twitter.com/ctrcenter

Instagram: https://www.instagram.com/ctrc_center/

Telegram: https://t.me/LIBERATECRIMEA

Plakatnı saylañız

Metinni kopiyalap, onı öz sahifeñizde paylaşıñız

Dostlarıñıznı davet etiñiz.

Tanışlarıñızğa şahsiy mizaclarda işbu tertipni yollap, kampaniyağa qoşulmağa rica etiñiz.

Metin:

 ‘Men QRM tarafından başlatılğan furtuna kampaniyasına qoşulıp, ukrainler ve qırımtatarlar Ukrainanıñ territorial bütünligi orğunda küreşni birlikte devam etkenlerini bütün dünyağa numayış etmektem. Eki bayraq- bir ğalebe!’

Mezkür plakatlar #LIBERATECRIMEA halqara areketi teşebbüsi ile ve ukrain ressamı Andrey Yermolenko tarafından hazırlanıldı.