Qırımtatar Maaliy Merkezi
+38 (067) 343 74 54   +38 (044) 489 61 25

AK işğal etilgen Qırımda insan haqlarınıñ bozulmasını takbih etti

17.06.2022

Avropa Keñeşiniñ Nazirler Komiteti Qırımnıñ Rusiye tarafından işğalini hiç bir vaqıt tanımaycağını ve yarımadada insan haqlarınıñ bozulmasını takbih etkenini bildirdi. Bu aqta AK baş kãtibiniñ Qırımda insan haqlarınen bağlı vaziyet haqqında maruzası esasında qabul etilgen qararında bildirile.

‘AK baş kãtibi Mariya Peyçinoviç Buriçniñ maruzası esasında Nazirler komiteti rusiye işğalci hakimiyet tarafından etnik ukrainler ve qırımtatarlarğa qarşı kerçekleştirilgen insan haqlarınıñ bozulmasını takbih etti. Nazirler komiteti Qırım Muhtar Cumhuriyetiniñ işğalini tanımağanını tasdiqladı,’- denile beyanatta.

Qayd etilgenine köre, işğal vaqtında Qırımda insan haqlarınen bağlı vaziyet bayağı fenalaştı. İnsan haqlarınıñ ve halqara gumanitar haqlarınıñ bozuvları yeterli derecede tetqiq etilinmedi.

 AK Nazirler Komiteti Rusiyeni qırımtatar Milliy Meclisini ekstremist teşkilãt olaraq tanılmasını ve faaliyetini yasaq etilmesine dair qararnı lãğu etmege çağırdı.