Qırımtatar Maaliy Merkezi
+38 (067) 343 74 54   +38 (044) 489 61 25

Matbuat-Konferentsıya: ‘Eki bayraq - bir ülke’

17.06.2022

Salı künü, 21 iyünde saat 11-de ‘Ukrinform’ informatsıon agentliginde QRM, Ukraina vicdan serbestligi ve etnosiyaset meseleleri boyunca Devlet hızmeti ve qırımtatar Milliy Meclisi #LIBERATECRIMEA areketiniñ informatsıon kampaniyası çerçivesinde ‘Eki bayraq- bir ülke’ adlı konferentsıyanı keçirecek.

Qırımtatar bayraq kününe bağışlanan bu tedbirge jurnalistler, cemaat erbapları ve bütün istegenlerni qoşulmağa davet etemiz.

Spikerler:

 Eskender Bariyev - Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı;

Yelena Bogdan- Etnosiyaset ve vicdan serbestligi boyunca Ukraina devlet hızmetiniñ başı;

Refat Çubarov- qırımtatar milliy Meclis reisi;

Ahtem Seytablayev- kinorejissör;

Andrey Yermolenko- ressam-karikaturcı;

Tatyana Podvornãk- QRM kommunikatsıya meneceri.

Bugünde bugün qırımtatar bayrağı tek qırımtatarlar içün degil de, bütün Ukraina içün Qırım oğrunda küreş timsali olıp qaldı.

Tedbir çerçivesinde qırımtatar bayrağınıñ tarihı, onıñ rus-ukrain cenki şaraitlerinde ukrain cemaatınıñ birleşmesinde vazifesi haqqında bilgi berilip, QRM tarafından hazırlanğan vizual-informatsıon malümatlar taqdim etilecek ve Milliy Meclis ve diger cemaat teşkilãtları tarafından bütün dünya boyunca mezkür tarih ile bağlı keçirilecek tedbirler haqqında haberdar etilecek.

Tedbirni QRM facebook sahifesinde seyir etmege mümkün olacaq.

Temsilcilerniñ akreditastıyası: ctrc@ctrcenter.org

 Hatırlatamız ki, evelden QRM işğal etilgen Qırımdaki vaziyet haqqında Ukraina ealini haberdar etmek maqsadınen #LIBERATECRIMEA areketiniñ yañı informatsıon programmasını başlatqan edi.

 Mezkür kapmaniyanen https://www.ctrcenter.org/liberatecrimea/ sahifesinde ve içtimaiy ağlarımızda (Facebook: https://www.facebook.com/liberatecrimea , Telegram: https://t.me/LIBERATECRIMEA) tafsilãtlıca tanış olmaq mümkün.