Qırımda Rusiyeniñ Ukrainağa qarşı bütün şiddeti toplanğan- Bariyev

Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev LRT.lt intervyu devamında işğal etilgen Qırımda eñ çoq arbiy şekillenmeler toplanğanını söyledi.

‘Bugünde bugün Qırımda Rusiyeniñ Ukrainağa qarşı bütün şiddeti toplanğan. Bu yerde pek çoq arbiy şekillenmeler bar,  demek ki arbiy tehnikanıñ büyük qısmı Qırımdan kelmekte.  Bu da bizni pek endişelete. Halqımızğa vaziyetni añlatmağa tırışamız, añlaşmalar qurmamağa çağıramız’,- dedi o.

 Şundan da ğayrı, Bariyevniñ aytqanına köre, qırımlılar içün esas meselelerden biri RF ordularına hızmetke çağıruvdır. 2016 senesinden başlap işğalcılar 18 yaşnı toldurğan yaşlarnı ordularında hızmetke çağıralar. Bundan qaçınmağa tırışqanlar cöremenen cezalandırıla ya da cezalı davalar ala ediler. Şimdi Rusiye askerlerge muhtac, şunıñ içün de Qırımdaki gençlerni orduğa yollağanları belli. Qırımda iş yoq. Şu sebepten de ayrıca köylülerge orduda hızmet- para qazanmaq içün yekãne imkãndır.