Qırımtatar Maaliy Merkezi
+38 (067) 343 74 54   +38 (044) 489 61 25

QRM AGSDİ (GİSMP) ile añlaşma imzaladı

14.01.2022

Cumaaqşamı künü, yanvarniñ 13-ünde QRM reisi Eskender Bariyev Aile ve gençlik siyaseti devlet institutı ile işbirlik haqqında añlaşma imzaladı.

Vesiqanı imzalağan taraflar nevbetteki sahalarda işbirlik haqqında añlaştılar:

-ayrı ilmiy, tasil, informatsıon, maarif ve diger leyha ve tedbirlerni amelge keçirüv;

-Milliy-vatanperverlik  terbiyeci programmalarda gençlerni iştirak etmelerine celp etmek;

-bala ve gençlerniñ mearetleri ve istidatlarını inkişaf ettirüv, milletniñ intellektual kelecegini şekillendirüv;

- gençler ve aileler ile çalışuvda mutehassıslar ihtiyacını qanaatlendirüv.

QRM reisi Eskender Bariyev qayd etkeni kibi, Qırımnıñ işğalden qurtulması ve tiklenilmesi gençler, olarnıñ vatanperverlik ruhunda terbiyesi saalarında devlet siyaseti olmadan imkãnsızdır.

‘Aile ve genlik siyaseti devler institutınen işbirligimiz Qırım mevzusına ukrain alimlerni celp etmege ve Ukrainanıñ bu sahada mahsuldar devlet siyasetini şekillendirmege yardım eter’,- dedi o.