Qırımtatar Maaliy Merkezi
+38 (067) 343 74 54   +38 (044) 489 61 25

Qırımtatar faal cemaatçılarnı ‘zorbalıqnen hakimiyetni elge keçirmelerinde’ qabaatlaylar

12.01.2022

2021 senesi 17 avgust künü ‘Hizb ut-Tahrir davası’ boyunca tutuqlanğan 5 qırımtatar faal cemaatçını ‘hakimiyetni zorbalıqnen elge keçirme ya da zorbalıqnen elde tutuv’da qabaatladılar. Bu aqta FSB matbuat hızmeti haber ete.

Rusiyeniñ Qırım ve Aqyar şeeri FSB tehqiq bölügi tarafından evelden 205.5. madde boyunca açılğan ceza davasınıñ tahqiqatı çerçivesinde RF 5 vatandaşına qarşı 278 madde boyunca(‘hakimiyetni zorbalıqnen elge keçirme ya da zorbalıqnen elde tutuv’)yañı ceza davası açıldı’,- denile haberde.

Hatırlatamız ki, 17 avgustta rusiye silãhlı küçler 5 qırımtatar: Cebbar Bekirov, Zaur Abdullayev, Rustem Tairov, Raif Fevziyev, Rustem Murasovnıñ evlerine keldiler. Hepisi tutuqlandı ve hapiste qaldırıldı.