Qırımtatar Maaliy Merkezi
+38 (067) 343 74 54   +38 (044) 489 61 25

Qurman ‘Hizb ut-Tahrir’ davasınıñ iştirakçilerini RF-na yolladılar

11.01.2022

İşğalcılar Qurman ‘Hizb ut-Tahrir’ davasınıñ iştirakçileri- Rustem Emiruseinov ve Eskender Abdulganiyevni Qırım hapsinden RF-na diger yerge cezasını devam etmek içün yolladılar. Bu aqta ‘Qırım birdemligi’ bildire.

Hatırlatamız ki, 2019 senesi 14 fevral künü rusiye silãhlı küçler Qurman rayonı Büyük Onlar qasabasında qırımtatar evlerinde tintüvler keçirdi. Üç erkekni tutuqlap FSB idaresine alıp kettiler. Olarnı RF-nda yasaq etilgen ‘Hizb ut-Tahrir’ teşkilãtında iştirak etkenlerinde qabaatlap, adlarına cinaiy dava açtılar.

15 fevral künü Aqmescitteki Kiyev rayon mahkemesi tintüvden soñra tutuqlanğan qırımtatarlar Eskender Abdulganiyev, Rustem Emiruseinov, Arsen Abhairovnı hapiske aldı.

 3 noyabr künü, Rostov-na-Donu Cenübiy arbiy mahkeme qurman ‘Hizb ut -Tahrir’ davasınıñ iştirakçilerine dair qararını çıqardı. Rustem Emiruseinov 17 , Arsen Abhairov-13, Eskender Abdulganiyev-12 yıl hapis cezasına mahküm olundılar. Siyasiy mahbüsler  ilk eki yılnı hapiste keçirdiler.