Qırımtatar Maaliy Merkezi

‘Putinge Yoq de’: yüzlernen faal cemaatçı Kremlniñ cinayet areketlerini toqtatmağa talap ete

10.01.2022

Bazar künü, yanvarniñ 9-ında Kiyevde ‘Putinge Yoq de’ aktsıyası keçirildi. Faal cemaatçılar dünya cemaatçılığından Rusiye prezidenti Vladimir Putinniñ ültimatumlarına boysunmamaq ve tertip-nizamnı saqlamaqnı talap etmekteler.

Aktsıyağa qırımtatar Milliy Meclis reisi Refat Çubarov, Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev, cemaat erbabı İosif Zisels, sabıq siyasiy mahbüs Vladimir Baluh ve diger faal cemaatçılar qoşuldılar. 

‘Bugün biz Putinni toqtatmaq, qırımtatar, qazah, belorus halqlarına destegimizni numayış etmek içün toplaştıq. Bugünde bugün Qırımda toqtamadan işkence haqqında eşitile, işğal vaqtından başlap, 234 siyasiy mahbüs, olardan 165-qırımtatar olğanı belli. 121 adam al-azırda hapiste bulunmaqta, olardan 89-qırımtatar. Milliy Meclis reisiniñ birinci muavini Nariman Celãl da FSB elindedir’,- añlattı Bariyev.

‘Biz bugün Putinge ‘Yoq’ demek içün toplaştıq. Bütün dünyağa Qırım ve Donbass işğal altında bulunğanını, şimdi ise Aqrusiye,Qazahstan da telüke astında bulunğanını hatırlatmaq içün toplaştıq. Ukrain cemiyetini Putinniñ bu havflığına qarşı birleşmege çağıram’,- qayd etti o.