Qırımtatar Maaliy Merkezi

Qırımtatar Kurtumer Çalğozovnı FSB-de çalışmağa qandıracaq ediler

05.01.2022

2021 senesi dekabrniñ 14-ünde yaqalanğan qırımtatar -Kurtumer Çalgozov şu künü FSB hadimleri onı özlerine hızmetke qandıracaqlarını añlattı. Bu aqta ‘Qırım birdemligi’ bildirdi.

Kurtumer özü añlatqanı kibi, onı evinden qara közlüklernen ve  kelepçelernen çıqarıp, bir mağazğa alıp kettiler ve poligraftan test keçmege mecbur ettiler. Erkekten gaz börüsiniñ patlavı haqqında soradılar. Soñra qırımtatarnı skotçnen skemlege bayladılar ve cinaiy dava açacaqlarınen qorquzdılar. Onı FSBde hızmet etmesine qandıracaq ediler.

‘Seniñ 10 daqqañ bar. Ya seniñ hayatıñ fenalaşır, ya da biznen çalışıp, yaşağanıñ kibi devam etersiñ’,- añlattı Kurtumer FSM hadimleriniñ qorquzuvları haqqında.

Çalgozov cinaiy dava açılacağından qorqıp, vesiqalarnı imzalağanını gizlemey, amma her kesniñ ögünde çaqıcı olmağa niyeti olmağanını bildirdi.

Hatırlatamız ki, 2021 senesi dekabrniñ 14-ünde rusiye silãhlı küçler Kefede Kurtumer Çalgozovnıñ evinde tintüv keçirdiler. Erkekni polis bölüginde tutıp, soñra azat qaldırdılar.