Qırımtatar Maaliy Merkezi
+38 (067) 343 74 54   +38 (044) 489 61 25

‘Qırımtatarlarnıñ taqipleri toqtatılmalı’- Miyatoviç

29.11.2021

Avropa Keñeşiniñ insan haqları boyunca komissarı Dunã Miyatoviç qırımtatar advokatı Edem Semedlãyev ve onı qarşılamağa kelgen faal cemaatçılarnıñ tutuqlanmasını takbih etti.

‘Qırımtatarlarnıñ, şu cümleden, jurnalistler ve advokat Edem Semedlãyevni qarşılamaq içün toplaşqan faal cemaatçılarnıñ tutuqlanması bu cemiyet azalarına nisbeten kösterilgen basqı ve repressiyalarnıñ bir misalidir’,- qayd etti o.

Miyatoviç qayd etkeni kibi, bu kibi areketler qırımtatar huquqqoruyıcılar, faal cemaatçılar, liderler ve jurnalistlerniñ taqip etmek tendentsıyasını arttırmaqta.

‘Qırımtatarlarnıñ haqlarını cesürliknen qoruğanlar, misal olaraq, Edem Semedlãyev ve işdeşleri-advokatlar taqip ve basqığa oğratılmaqtalar. Olarğa nisbeten yaqalama, tutuqlama, tintüv, sorğular, qorquzmalar yüz bermekte. Şundan da ğayrı, bir qaç qırımtatar neşirden ğayrı, aman-aman bütün qırımtatar haber vastaları Qırımda öz faaliyetini toqtatmağa mecbur oldılar’,- añlattı o.

Miyatoviç RF-nı  çeşit uydurılğan sebeplerden dolayı amelge keçirilgen taqip, tutuqlama, hapiske alınuv, cinaiy davalarnı toqtatmağa çağıra.