Qırımtatar Maaliy Merkezi

İşğal etilgen Qırımda trassa qurmaq içün onlarnen ev yıqtırılacaq

19.11.2021

İşğal etilgen Qırımnıñ ‘başı’ Sergey Aksönov bildirgenine köre, yarımada ‘hakimiyeti’ Şumhay (Zareçnoye) köyünden keçecek trassa qurmaq qararına kelgen. Bu aqta o, öz Facebook sahifesinde bildirdi.

‘Nasıl olsa da, qarar alındı. Trassa Aqmescit rayonı Mamut-Sultan (Dobroye) qasabası, Şumhay (Zareçnoye) köyünden Ayan suv anbarı yanından keçecek,’- denile haberde.

Bahs etilgen qurucılıq sebebinden onlarnen evni yıqmağa kerek olacaq, lãkin Aksönov şunıñ içün ‘afu soray’.

 ‘Köy sakinlerinden afu sorayım ve ömür seviyeleri zarar körmeycegine söz berem. Hakimiyet organları her bir qorantanıñ vaziyetini ögrenmege çalışacaq ve imkãnlarımıznıñ sıñırından keçse bile, elinden kelgenini yapmağa tırışacaq’,- dep qoştı o.