Qırımtatar Maaliy Merkezi

‘RF Qırımda öz arbiy küçüni arttıra’- Bariyev

18.11.2021

Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev ATR telekanalına intervyu bergende işğal etilgen Qırım territoriyasında RF arbiy küçlerniñ bulunması haqqında añlattı.

‘RF işğal etilgen Qırımda öz arbiy küçlerini hep arttıra. Bilgenimizge köre, 2021 senesi oktãbr ayı içinde 5 arbiy talim qayd etildi. Mezkür tedbirlerde 12 biñ asker, 550 ziyade arbiy tehnika işletildi’,- dedi o.

Bariyev qayd etkenine köre, RF arbiy talimlerni muntazam şekilde keçire ve çeşit provokatsıyalarğa yol bere. Ukraina bu alda ne yapmalı?

‘Asılında, Ukraina  Mudafaa küçleriniñ modernizatsıyasını keçirmek kerek ve arbiy hadimlerniñ miqdarına degil de, keyfiyetine daha çoq diqqat ayırmalı’,- dep qoştı ekspert.