Qırımtatar Maaliy Merkezi

OON Baş Assambleyası işğal etilgen Qırım boyunca quvetleştirilgen rezolütsıyanı qabul etti

18.11.2021

Çarşenbe künü, noyabrniñ 17-sinde OON Baş Assambleyası işğal etilgen Qırımda insan haqlarınen bağlı vaziyet boyunca quvetleştirilgen rezolütsıya leyhasını qabul etti. Munasip qarar içün 64 devlet rey berdi, 20 devlet ise qarşı çıqtı.

Ukraina İç işler Nazirliginiñ matvuat-hızmeti haber etkenine köre, rezolütsıya adında Qırımnıñ statusı vaqtınca işğal etilgen territoriya olaraq belgilendi, Qırım platforması ile işdeşlik desteklenildi, Rusiye qırımtatarlarnıñ haqlarını amelge keçirmek kerekligi urğulandı, qırımtatarlarğa nisbeten ğıyabiy şekilde çıqarılğan mahkeme qararlarınıñ lãğu etilmesi talap etildi.

Ayrıca, vesiqada RF-dan hapiste qanunsız tutulğan Ukraina vatandaşları- Emir-Usein Kuku, Galina Dovgopol, Server Mustafayev, Vladislav Yesipenko, Nariman Celãl ve digerlerni azat etmege talap etildi.

Şundan da ğayrı, rezolütsıyada Qırımda arbiy küçler hep çoqlaştırılğanı ve eali terkibi zoraki deñiştirilme siyaseti takbih etile.