Qırımtatar Maaliy Merkezi

Anons: QRM ‘Maña babamnı qaytarıñız!’ adlı eksklüziv vesiqalı filmni taqdim etecek

26.10.2021

Salı künü, noyabrniñ 2-sinde, ‘Premyer Palats’ otelinde Qırımtatar resurs merkezi Babamnı qaytarıñız!’ adlı eksklüziv vesiqalı filmni taqdim etecek. Film zemaneniñ eñ actual ve kergin meselelerinden biri- babasız balalıq mevzusını kötermekte. Filmde Qırım işğalinden soñra babaları qaçırılğan, ya da hapiske atılğan balalarnıñ taqdir hikãyelerini topladıq. Bazıları babalarınıñ zulumlı tutuqlamalarını öz közlerinen kördiler ve şimdi olarnıñ tek bir arzuları bar: ‘ Maña babamnı qaytarıñız!’

2014 senesine qadar Qırım farqlı millet ve din mensüpleri içün acayip bir yer edi. Lãkin RF tarafından Qırım işğal etilgen soñ her şey deñişti. Repressiya, basqı, tutuqlamalar- şimdiki zamannıñ kerçekleridir ki, neticede, tek büyükler degil de, balalar da azap çekmekteler.

Siyasiy sebeplerden dolayı Qırımda azatlıqtan mahrum qaldırılğan insanlarnıñ sayısı kün-künden artmaqta. 200-den ziyade bala babalarsız, olarnıñ herkünlik diqqat ve desteksiz qalmaqta.

 QRM taqımı  işğal etilgen Qırımda  her bala eñ yaqın zamanda öz babasına qavuşması ve aydın balalığınıñ her kününe sevinmesi içün  elinden kelgenini yapmaqta.

Bu maqsatqa yetmek içün QRM ‘Maña babamnı qaytarıñız!’ adlı qısqa vesiqalı filmni çıqarmağa qarar berdi.

 Mezkür filmde Qırım işğalinden soñ babaları zorbalıq ile qaçırılğan ve hapiske alınğan balalarınıñ taqdir hikãyelerini topladıq. Bazıları babalarınıñ tutuqlanmasını körip, şimdi bir arzu ile yaşamaqtalar: ‘Maña babamnı qaytarıñız!’

Mezkür film ile ukrain ve halqara cemaatçılıqnıñ diqqatını siyasiy mahbüsler meselesine, olarnıñ balalarına çekmek ister edik.

Tedbir karantin sıñırlamalarnı közge alaraq keçirilecek.