Qırımtatar Maaliy Merkezi

Yaqın Şarqnıñ özgünliginden vizual tilge qadar: diplomatiya Akademiyası öz işini devam ete

26.10.2021

Cumaertesi künü, oktãbrniñ 23-ünde Qırımtatar resurs merkezi Ukrainada ‘Fridrih Naumannıñ serbestlik oğrunda Fondu’ Temsilciliginiñ destegi ile V qırımtatar diplomatik Akademiyasınıñ 4 sessiyasını keçirdi. İş çerçivesinde olacaq diplomatlarğa halqara içtimaiy informatsıon kampaniyalarda vizual til ve dizaynnıñ rolü, Yaqın Şarqnıñ özgünligi haqqında tarif ettiler.

Andrey Yermolenko, ressam, karikaturcı, onlayn şekilde halqara içtimaiy informatsıon kampaniyalarında vizual til ve dizaynnıñ rolü haqqında ayttı. Konkret misallerde çeşit plakatlarda işletilgen unsurlarnıñ temsilligini, manalarını añlattı.

İliya Kusa, ‘Ukraina istiqbal istitutı’ analitik merkeziniñ halqara siyaset boyunca eksperti, Yaqın Şarqnıñ dünya esnasında özgünligini añlattı.

Ekspertniñ aytqanına köre, soñ yılları Yaqın Şarq eki faktordan dolayı pek mühim rol oynamaqta: eali nufuzınıñ artması ve neticede, global cenüpniñ global şimalge basqısı. Şundan da ğayrı, İliya Kusa qayd etkeni kibi, Yaqın Şarq bir qaç region içün- Aq deñiz havuzı, Merkeziy Asiya ve Qaradeñiz havuzı içün pek mühim sayıla.