Qırımtatar Maaliy Merkezi

‘Ukraina 30: sadece kelimeler degil’: Bariyev milliy ğayeniñ emiyetini qayd etti

20.10.2021

Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev Ukraina Liberal-Demokratik Liga tarafından hazırlanılğan ‘Ukraina 30: sadece kelimeler degil’ adlı munaqaşada iştirak etti.

Spikerler:

Eskender Bariyev- ukrain cemaat erbabı, Qırımtatar Milliy Meclis azası, QRM reisi.

Aleksandra Ustinova- ukrain siyaset erbabı, faal cemaatçı, IX çağıruv Ukraina deputatı, Ukraina Yuqarı Şurasınıñ huquqqoruyıcı faaliyeti boyunca Komitet azası

Sergey Sternenko- ukrain cemaat erbabı ve belli yutuber.

Munaqaşa devamında ekspertler Ukraina içün, onıñ Mustaqilli tiklenilmesiniñ 30-yıllığına ögüne turğan meselelerni, rusiye işğlacıları ile küreş şaraitlerinde serbestlik qıymetini saqlav yollarını muzakere ettiler.

‘Ukrainanı 2030 senesi nasıl körmege istegenimizni şimdi tüşünmek kerekmiz. Biz Ukraina vatandaşlarınıñ milliy ğayesini añlamaq kerekmiz. Nasıl Ukrainanı qurmaq, halqara siyasette nasıl rolümiz olmaq kerek, mevamızlarımız nasıl olmalı. Qırım ve Donbassnı işğalden azat etmek içün pek emiyetlidir’,- qayd etti Bariyev.

Ekspert OON inkişafınıñ maqsatlarını misal olaraq ketirdi. O maqsatlarda dünya ıntılması kerek 17 yönelişi qayd etilgen. Bundan örnek alıp, ukrainler ülkemiz nege ıntılmaq kerek olğanını, maqsadlarını nasıl etip amelge keçirmesini tüşünmeliler.

‘Ukraina terkibinde Qırım nasıl olacağını tüşünmelimiz. Bunı da Qırımda yaşağan vatandaşlarımızğa bildirmelimiz. Olarnı unutmağanımıznı añlamalılar. Böyle etip, qırımdakiler biznen bağımıznı devam etecek’,- dep qoştı o.

QRM reisi işğalden soñra artıq 8 yıl keçti. Nesiller deñişe. RF-sı mahsus ealini deñiştirmege tırışa’,- qayd etti ekspert.