Qırımtatar Maaliy Merkezi

İmam Raif Fevziyev hapiste daha 3 ayğa qalacaq

08.10.2021

Aqmescitteki Kiyev rayon ‘mahkemesi’ 17 avgust künü yaqalanğan Raif Fevziyevni daha 3 ayğa hapiste qaldırdı. O, 2020 senesi, yanvarniñ 13-üne qadar hapiste qalacaq. Bu aqta advokat Edem Semedlãyev bildirdi.

Hatırlatamız ki, avgustnıñ 17-de rusiye silãhlı küçler 5 qırımtatarnıñ evini bastılar: Cebbar Bekirov, Zaur Abdullayev, Rustem Tairov, Raif Fevziyev, Rustem Murasov. Her kesni tutuqladılar. 2021 senesi 17 avgust künü Aqyar Lenin rayon mahkemesi Cebbar Bekirov ve Rustem Tairovnı 2021 senesi, 11 oktãbrge qadar hapiste, Aqmescit Kiyev rayon mahkemesi ise imam Raif Fevziyevnı 2021 senesi 12 oktãbrge qadar qaldırmaq qararını alğan edi. 2021 senesi 18 avgustta Aqyar Lenin rayon mahkemesi Rustem Murasov ve Zaur Abdullayevnı 2021 senesi 11 oktãbrge qadar hapiste qaldırmaq qararını alğan edi. Raif Fevziyev Aqmescit rayonı Strogonovka köy imamıdır. O, namaz, nikãh, balağa ad qoyuv kibi merasimlerini keçire edi.