Qırımtatar Maaliy Merkezi

QRM AQŞ elçiligine qırımtatarlarnıñ sürgünini genotsıd olaraq tanılmasınıñ kerekligi haqqında vesiqalarnı teslim etti

05.10.2021

Cuma künü, oktãbrniñ 1-inde qırımtatar resurs merkeziniñ temsilcileri Ukrainada AQŞ elçiligi hadimleri Tatyana Steçak ve Patrik Knappnen körüştiler. Diplomatlarğa işğal etilgen Qırımda insan haqlarınıñ bozuluvı, 1944 senesi qırımtatar sürgünligi haqqında añlatıldı.

Körüşüvde Ukrainada AQŞ elçiligi siyasiy bölüginiñ hadimi Tatyana Steçak, Ukrainada AQŞ elçiliginiñ insan haqları meseleleri boyunca mesleatçısı Patrik Knapp, Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev, QRM menecerleri Zarema Bariyeva ve Lüdmila Korotkih iştirak ettiler. 

Qırımtatar resurs merkeziniñ temsilcileri AQŞ diplomatlarına işğal etilgen Qırımda insan haqlarınıñ bozulması haqqında hikãye etip, şu bozuvlarğa alãqası olğan şahıslar cedvelini teslim ettiler.

Tatyana Steçak ve Patrik Knappnı işğal vaqtında ğayıp ve elãk olğanlar, siyasiy mahbüsler haqqında haberdar etip, munasip malümat berdiler.  QRM tarafından işlep çıqarılğan ‘Qırım işğaliniñ qurbanları’ diagramması taqdim etildi.

QRM reisi 1944 senesi qırımtatarlarnıñ sürgünligi haqqında añlatıp, 238500 adam köçürilgeni, sürgünlikniñ ilk yılları ise 110 200 adam elãk olğanını bildirdi. Bariyev elgilikni AQŞ senator tarafından  sürgünlikni genotsıd olaraq tanılmasında yardım etmege çağırdı.

‘AQŞ qırımtatar sürgünligini genotsıd olaraq tanılması mühim bir adım olur edi. Böyle etip, bütün bir milletke qarşı yapılğan cinayet içün bir kün mıtlaq cevap bermek kerekligi hatırlatılır’,- dedi Bariyev.

 QRM tarafından qırımtatar sürgünligini genotsıd olaraq tanılması içün vesiqalar teslim etildi:

-qırımtatar Milliy Meclisiniñ OON azaları olğan devlet parlamentlerine muracaatı;

-qırımtatar resurs merkeziniñ AQŞ Senat Prezidentine muracaatı;

-Ukraina Yuqarı Şurasınıñ ‘Qırımtatar sürgünligini genotsıd olaraq tanılması haqqında’ fermanınıñ kopiyası;

-Ukraina Yuqarı Şurasınıñ ‘UYŞ-nıñ OON, Avropa Parlamenti, PASE, PA OBCE, PA NATO, PA OÇES, dünya devlet parlamentleri ve hakimiyetlerine qırımtatar sürgünlik qurbanlarınıñ şereflemesi ve RF qırımtatarlarnıñ haq ve serbestliklerini bozmasınıñ takbihi haqqında muracaatı boyunca’ fermanı;

-Latviya Cumhuriyetiniñ ‘Qırımtatar sürgünliginiñ 75-yıllığınıñ hatırası ve Qırımnıñ qanunsız işğalini qabul etmemek siyasetiniñ destegine’ muracaatı;

-Litva Cumhuriyetiniñ ‘Sovet Birligi tarafından qırımtatar halqınıñ yoq etilmesini genotsıd olaraq tanılması haqqında’ muracaatı;

-qırımtatar sürgünligini tamır halqqa qarşı yapılğan halqara cinayet olaraq tanığan yuridik ihtisas.

QRM temsilcileri qırımtatar sürgünligi halã devam etkenini qayd ettiler. 2014 senesi işğalinden soñra biñlernen qırımtatar öz siyasiy mevamları içün yarımadanı terk etmege mecbur oldılar. Şundan da ğayrı, RF-nda  uyğun kelmegen ealini, eñ-evelã da qırımtatarlarnı sürgün etmek içün yol açqan ‘zorbalıqlı evakuatsıya’ haqqında qanun peyda oldı.