Qırımtatar Maaliy Merkezi

Bariyeva italyan deputatlarına Qırım siyasiy mahbüslerini öz siyasiy imayeleri altına almağa teklif etti

01.10.2021

Çarşenbe künü, sentãbrniñ 29-unda QRM meneceri Zarema Bariyeva İtaliya Senatında ‘Söz serbestliginiñ yasağı ve işğal etilgen Qırımda insan haqlarınıñ bozulmasınen bağlı vaziyet’ mevzusında maruzanen çıqışta bulundı. Çıqışı devamında ekspet italyan deputatlarnı ‘Atalıq’ kampaniyasına qoşulıp, Qırım siyasiy mahbüslerini öz siyasiy imayeleri altına almağa çağırdı.

Bariyeva yarımadada rusiye repressiya maşınasınıñ nasıl usulları ve imkãnları işletilgeni haqqında añlattı.

QRM temsilcisi halqara cemaatçılıqnı sistemli yaqalama, tutuqlamlar, para cezalamaları haqqında haberdar etti. Şundan da ğayrı, bir sıra jurnalistler öz faaliyeti içün şu daqqada hapishanede bulunğanını hatırlattı.

Zarema Bariyeva QRM ve #LIBERATECRIMEA halqara areketi tarafından başlatılğan ‘Atalıq’ kampaniyası haqqında añlattı. Mezkür teşebbüs çerçivesinde ukrain memurları ve  Avropa parlament, Avropa ülkeleriniñ milliy parlament deputatları rusiye işğlacıları tarafından tutuqlama, taqipke oğratılğan qırım sakinlerini öz imayeleri altına ala bilecekler.