Qırımtatar Maaliy Merkezi

OON Keñeşi Ukrainada insan haqları haqqında rezolütsıyanı qabul etti

15.07.2021

Salı künü, 13 iyülde, insan haqları boyunca OON Keñeşi ‘Ukraina ile işbirlik ve insan haqları sahasında yardım’ rezolütsıyanı qabul etti. Vesiqağa Ukrainanen birlikte 45 ülke qoltuttı.

Ukraina çetel işler nazirliginiñ matbuat-hızmeti qayd etkenine köre, insan haqları boyunca OON Keñeşi mezkür vesiqağa binaen nevbetteki eki yıl devamında Ukrainada insan haqları ile vaziyetni araştırmağa devam etecek.

Şundan da ğayrı, insan haqları boyunca OON baş komissar idaresi Ukrainağa insan haqları sahasında tehnikiy yardım köstermege devam etecek.

Vesiqanı Ukrainanen birlikte 45 ülke imzaladı, olardan AK devletleri, Avstraliya, Albaniya, Büyük Britaniya, Gurcistan, İslandiya, Lihtenşteyn, İsrail, Kanada, Liviya, Moldova, Norvegiya, Yañı Zelandiya, Şimaliy Makedoniya, AQŞ, Türkiye, Çernogoriya, Şveytsariya, Yaponiya.