Qırımtatar Maaliy Merkezi

AB RF-na qarşı sanktsıyalarnı uzattı

21.06.2021

Bazarertesi künü, 21 iyünde, Avropa Birligi Rusiyege qarşı sanktsıyalarnı daha bir yılğa uzattı. Bu aqta Avropa Birligi Keñeşiniñ saytında bildirile.

‘Bugün Keñeşiniñ qararı ile Qırımnıñ qanunsız işğali sebebinden RF qarşı kirsetilgen sanktsıyalar 2022 senesi 23 iyünge qadar uzatıldı’,- denile haberde.

Al-azırda sanktsıyalar Qırımda istisal etilgen mallarnıñ italãtına, şundan da ğayrı, infrastruktura ve maliye investitsıyalar, turistik hızmetlerine de keçerlidir.

‘AB Qırım işğalini tanımay ve AB adından çetel işler ve havfsızlıq siyaseti boyunca temsilciniñ beyanatına binaen halqara qanunnıñ bu bozuvlarını takbih etmege devam ete’,- denildi AB-nde.