Qırımtatar Maaliy Merkezi

Siyasiy mahbüs Gaziyev qırımtatar tilini qullanğanı içün mahkeme zalından çıqarıldı

18.06.2021

Cumaaqşamı künü, 17 iyünde aqmescit ekinci ‘Hizb ut-Tahrir davası’nıñ iştirakçisi Servet Gaziyevni qırımtatar tilini qullanğanı içün mahkeme zalından çıqardılar. Bu aqta Servetniñ tatası Svetlana Ablãmitova öz Facebook sahifeisnde bildirdi.

‘Server qırımtatar tilinde çıqışta bulundı. Hakim ana tilinde qonuşqanı içün onı tazirledi ve qırımtatar tilini ‘ecnebiy’ til dep saydı. Ekinci kere tenbilegen soñra hakim Opanasenko ağamnı mahkeme zalından çıqarttı’,- denile haberde.

Hatırlatamız ki, eki yıl evel, 2019 senesi martnıñ 27-sinde, rusiye silãhlı küçler  işğal etilgen Qırımda qırımtatarlarnıñ 26 evinde tintüvler keçirdiler. Bazı cemaatçılarnıñ evinden silãhlı küçler özleri gizliden qaldırğan edebiyat tapıp çıqardılar. Kitaplardan ğayrı adamlarnıñ telefonları, bilgisayar, pasportları alına edi. Silãhlılar özlerini qaba alıp bara, yaqalanğanlarğa qarşı fizik küçüni işlete, evlerge ayaqqapnen kire, advokatlarnı yibermey ediler. Neticede 20 adam yaqalandı, olarnı Rusiyede yasaq etilgen ‘Hizb ut- Tahrir’ teşkilãtında iştirak etkenlerinde qabaatlaylar. Martnıñ 28-inde daha 3 qırımtatarı yaqalandı.  27-28 mart künleri işğalcı mahkeme 23 yaqalanğan cemaatçını hapiske aldı ve ileride hepisiniñ hapis müddeti uzatıldı.