Qırımtatar Maaliy Merkezi

‘Deputat, Kreml esirlerine yardım et’: Bariyev kampaniyanıñ hemiyeti haqqında hatırlattı

17.06.2021

Çarşenbe künü, 16 iyünde, ‘Qırım evi’nde keçirilgen munaqaşa devamında devlet erbapları ve huquqqoruyıcılar Qırım siyasiy mabusları haqqında hatırlattılar. QRM reisi Eskender Bariyev ‘Deputat, Kreml esirlerine yardım et’ kampaniyasınıñ hemiyetini qayd etti. Mezkür kampaniya çerçivesinde Ukraina halq deputatları siyasiy mabuslarını öz imayeleri altına alıp, haqlarını qorçalaybileler.

Spikerler:

Ahtem Seytablayev, ‘Qırım evi’niñ yolbaşçısı;

Anton Korineviç, Qırım Muhtar Cumhuriyetinde Ukraina Prezidentiniñ daimiy temsilcisi;

Refat Çubarov, qırımtatar Milliy Meclis reisi;

Ahtem Çiygöz- halq deputatı;

 İlmi Umerov, qırımtatar Milliy Meclis reisiniñ muavini;

Eskender Bariyev, QRM reisi;

Denis Savçenko, ‘QırımSOS’ teşkilãtınıñ reisi;

Vladimir Baluh, sabıq siyasiy mabus.

Eskender Bariyev Qırımtatar resurs merkezi tarafından işlep çıqarılğan ve teşkilãtnıñ saytında  4 tilde daima çalışıp, siyasiy mabuslarnıñ aktual sayısını, Qırım işğali devri içinde ğayip olğan insanlarnıñ sayısını aks etken ‘Qırım işğaliniñ qurbanları’ adlı diagramması haqqında hikãye etti. Şimdiki zamanda, QRM malümatlarına köre, 231 siyasiy mabus bar.

 Qırımtatar Meclis azası ‘Deputat, Kreml esirlerine yardım et’ kampaniyası haqqında hatırlattı. Kampaniya çerçivesinde  Ukraina halq deputatları siyasiy mabuslarını öz imayeleri altına alıp, haqlarını qorçalaybileler.

 ‘Hiç olmağanda bir deputat öz imayesi altına bir siyasiy mabusnı alıp, bu yönelişte ciddiy çalışmağa başlağanı pek mühimdir. Böyle etip, diger ülkelerge tesir etilir ve neticede avropa deputatları da siyasiy mabuslarnıñ meselelerinen oğraşacaqlar’,- añlattı Bariyev.