Qırımtatar Maaliy Merkezi

Bariyev ‘Tamır halqlar haqqında’ qanunı qabul olunmasınıñ mühimligini qayd etti

17.06.2021

Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev ATR telekanalına intervyu devamında Ukraina prezidenti Vladimir Zelenskiy teklif etken ‘Tamır halqlar haqqında’ qanun leyhasını izaat etip, onıñ hemiyetini qayd etti.

‘Mezkür qanun tamır halqlarnıñ Haqları haqqında OON Deklaratsıyasınıñ bir çoq maddelerinden, qırımtatar Milliy Meclis tarafından, bir sıra cemaat teşkilãtları, şu cümleden QRM tarafından teklif etilgen leyhalardan ibaret. Bu qanun inkişaf etmege ve tamır halqlarnıñ haqlarını temin etmege imkãn bere’,- dedi o.

 

 Bariyevniñ qayd etkenine köre, qanun leyhasında:

 

tamır halqlar añlamı açıqlanıla- ukrain qanuncılıq alanında Ukraina tamır halqlar arasına kimler ait olğanı açıq körüne.

 

Qırımtatar Milliy Meclisi halqara huquq subyekti olacağı, yani yuridik şahıslar cedveline kirsetilecegi, amma farqlı statusqa malik olacağı qayd etile. O öz esabını açabile, hem de devlet yardımını alabilecek.

 

Topraq, faydalı madenlerinen hakimiyet organlarınıñ razılığı ile faydalanılacaq.