Qırımtatar Maaliy Merkezi
+38 (067) 343 74 54   +38 (044) 489 61 25

Anons: QRM ‘1944 senesi genotsid şaatları’ vesiqalı filmni taqdim etecek

17.05.2022

Salı künü, 18 mayısta saat 19-da Qırımtatar resurs merkezi qırımtatar halqnıñ sürgünligini genotsıd olaraq tanılması ve tetqiq etilmesine bağışlanğan ‘1944 senesi genotsid şaatları’ vesiqalı filmni taqdim etecek. Film qaramanlarınıñ delilli hikãyelerinde biñlernen diger sürgün etilgen qırımtatarlarnıñ taqdirleri ifade olunğan. Filmde eksklüziv malümatlar taqdim etilecek. Olar 1944 senesi qırımtatar halqnıñ genotsıdı haqqında tetqiq çerçivesinde mahkeme toplaşuvları devamında yazılıp alınğandır. Filmniñ bazı qaramanları artıq bu dünyanı terk ettiler, faqat olarnıñ hikãyeleri yuridik cehetten daima actual qalır ve Qırım tamır halqınıñ deşetli faciası haqqında obyektiv menba sayılır. Filmni QRM Facebook sahifesinde ve YouTube kanalında seyir etmek mümkün olacaq.

Prodüser- Eskender Bariyev;

Rejissör- Elvir Sagirman;

Operator-montajör- Elvir Sagirman;

Operator-Emir Bekirov;

Muzıka- Oksana Ametova, Arafat dağları.

Film ‘Vozrojdeniye’ halqara fondunıñ destegi ile hazırlanıldı.