Qırımtatar Maaliy Merkezi

Rusiye silãhlı küçler Qırım sakini Rahimovnı atıp öldürdiler

11.05.2021

Salı künü, 11 mayısta rusiye silãhlı küçler tintüv vaqtında işğal etilgen Qırımda yaşağan Özbekistan vatandaşı Ayub(Nabi) Rahimovnı atıp öldürdiler. İşğalcılar aytqanına köre, erkek tintüv vaqtında muqavemet köstergen. Bu aqta faal cemaatcı Lütfiye Zudiyeva haber ete.

‘Aqmescitte, Dubki qasabasında müsülman adamı, özbek Ayub(Nabi) Rahimov öz evinde atıldı. Tanış ve qomşularnıñ aytqanlarına köre, adam iftarlarğa aş pişirip, ötmek parasına qazana eken. Silãhlı küçlerniñ aytqanına köre, o, tintüv vaqtında narazılıq köstergen. Faqat, 80-den ziyade qabaatsız adamnı hapiske taşlağan insanlarğa çoq inanacağım kelmey,’- denile haberde.

 Adamnıñ ömürarqadaşı Sahiba Rahimova ve oğlunı halã daha tapıp olamaylar.