Qırımtatar Maaliy Merkezi

‘Hizb ut-Tahrir davası’nıñ iştirakçisi Teymur Abdullayevniñ ceza hücresinde bulunma müddeti tekrar uzatıldı

11.05.2021

‘Hizb ut-Tahrir davası’nıñ iştirakçisi Teymur Abdullayevniñ sağlığı yaramaylaşqanına baqmadan, onıñ ceza hücresinde bulunma müddeti tekrar uzatıldı.

Hatırlatamız ki, 2016 senesi 12 oktãbr künü rusiye silãhlı küçler tarafından  Aqmescit rayonı, Strogonovka köyünde tintüvler neticesinde  5 qırımtatar-Uzeir Abdullayev, Teymur Abdullayev, Rustem İsmailov, Emil Cemadenov ve Ayder Saledinov hapiske alınğan edi. Olarnı Rusiyede yasaq etilgen ‘Hizb ut-Tahrir’ teşkilãtında iştirak etkenleri içün qabaatlaylar.

 2019 senesi 18 iyün künü Şimal-Kavkaz arbiy mahkemesi yaqalanğanlarğa binaen qararlarını çıqarıp, Teymur Abdullayevni 17 yıl, Rustem İsmailov -14 yıl, Uzeir Abdullayev- 13, Ayder Saledinov ve Emil Cemadenovnı 12 yıl mustemleke cezasına mahküm etti.

2019 senesi dekabrniñ 24-ünde Moskva Yuqarı mahkemesi aqmescit ‘Hizb ut-Tahrir’ davasınıñ iştrakçilerine hapis müddetlerini 6 ayğa qısqarttı.