Qırımtatar Maaliy Merkezi

Zelenskiy AQŞ devlet kãtibi ile işğal etilgen Qırımdaki vaziyetni muzakere etti

07.05.2021

Cumaaqşamı künü, mayısnıñ 6-sında Ukraina prezidenti Vladimir Zelenskiy AQŞ devlet kãtibi Entoni Blinken ile körüşti. Subetdeşler Qırım vaziyetine diqqat ayırıp, yarımadanı işğalden azat etilmesine dair birlikte yapabilecek areketlerni muzakere ettiler. Bu aqta Prezident ofisiniñ matbuat hızmeti haber ete.

Körüşüv devamında Vladimir Zelenskiy Rusiye orduları Ukraina sıñırlarına yaqın çoqlaşqan zamanda keçirilgen bu ziyaret  Avropa ve Rusiye Federatsıyası içün mühim bir işaret olğanını qayd etti.

‘Ordularnıñ bir qısmı çekilgeni vaziyetni biraz sakinleştirdi, amma kerginlik saqlanıla. Sıñır boyu yerleştirilgen arbiy küçler rusiye tarafına Ukrainağa qarşı arbiy areketlerini her daqqa başlamağa musaade ete’,- dedi Zelenskiy.

 Subetdeşler Qırım yarımadasını işğalden azat etilmesine dair birlikte yapabilecek areketlerini muzakere ettiler. Ayrıca, AQŞ Qırım platformasınıñ tesisçi ve liderlerinden biri olması teklif etildi.

Entoni Blinken AQŞ Ukraina territorial bütünligi ve suverenitetine destegini bildirdi.