Qırımtatar Maaliy Merkezi

QRM işğal etilgen Qırımda insan haqlarını bozğan şahıslarnıñ talilini taqdim etecek

05.05.2021

Cumaaqşamı künü, 13 mayısta, Qırımtatar resurs merkezi işğal etilgen Qırımda insan haqlarını bozğan şahıslarnıñ talilini taqdim etecek. Mezkür tatil esasında QRM ekspertleri diagrammanı işlep çıqardılar. Diagramma teşkilãtnıñ saytında daima yerleşecek ve Qırımda siyasiy mabuslar ve tuvğanlarını taqip etken şahıslarnıñ cedvelini aks etecek.

Spikerler:

Eskender Bariyev- Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı;

Lüdmila Korotkih- Qırımtatar resurs merkeziniñ meneceri;

Nevbetteki meselelerniñ muzakere etilmesi közde tutula:

1.     Qırımda siyasiy mabuslar ve tuvğanlarını taqip etken şahıslarnıñ cedvelleri ve QRM bu saada faaliyeti;

2.     Ukrainada ve halqara seviyede insan haqlarını bozğan şahıslarğa nisbeten şahsiy sanktsıyalarnı kirsetüv tecribesi;

3.     Qırımda insan haqlarını bozğan şahıslarğa nisbeten şahsiy sanktsıyalarnı kirsetüv perspektivası.

Tedbirni UKMTS YouTube kanalında ve QRM Facebook sahifesinde seyir etmege mümkün olacaq.