Qırımtatar Maaliy Merkezi

200 yaqın adam kollaboratsıya testini keçtiler

29.04.2021

Qırımtatar resurs merkezi tarafından ‘RF memuriyetinen işbirlik yapqan şahıslarğa qarşı ayrı sanktsıyalar kirsetmekniñ kerekligine qıymet kesüv Usuliyeti çerçivesinde işlenilip çıqarılğan ‘Sanktsıyalar cedveline kiresiñmi?’ adlı testni 200 yaqın adam keçti. Şunı qayd etmek kerek ki, testni keçkenlerden 50 balldan ziyade alğanlar da bar.

Hatırlatamız ki, 2021 senesi 3 fevral künü Qırımtatar resurs merkezi ‘Kollaboratsıya  areketleri ve sanktsıya siyasetine qıymet kesüvniñ zemaneviy usulları’ adlı matbuat-konferentsıyasını keçirip, RF memuriyetinen işbirlik yapqan şahıslarğa qarşı ayrı sanktsıyalar kirsetmekniñ kerekligine qıymet kesüv Usuliyetini taqdim etken edi. Mezkür usuliyet esasında ‘Sanktsıyalar cedveline kiresiñmi?’ adlı testi işlenildı. Her istegen testni QRM saytında keçe bile.

 Qırımtatar resurs merkeziniñ fikrine köre, mezkür test yardımınen işğal etilgen territoriyalarda vatandaşlarımızğa sıñırlarını köstermek, tenbilemek mümkün. Akis alda, olar sanktsıylar cedveline kirebile ve atta ukrain qanuncılığını bozğanları içün mesuliyetli olabileler.

 Mezkür test anonim şeklinde keçirilgenini hatırlatamız.